1 SAMUEL 27:9 - KITTA' MATANGKASA'

⁹ Nabunomi sikontu tu bura'nea siagang tubainea, kammayatompa narampasaki gimbala'na, sapina, keledaina, untana, ba'lalo care-carena pole. Nampa ammotere' siagang mange andallekang ri Akhis.

1 SAMUEL 27:9 ပူးပေါင်းရင်းမြစ်များ

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 25:18

Turunganna ke'nanga ammantang ri alla'na daera Hawila siagang Syur, ri bageang rayanganna Mesir a'lampa mangea ri Asyur. Tassa'la'mi ke'nanga battu ri turunganna Abraham maraenga.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.

1 SAMUEL 15:8

Sikontu ra'ya'na siagang tantarana tu Amalek nibuno ngasemmi ri Saul. Mingka Agag karaenna tu Amalek najakkala' attallasaki nanaboli' Saul siagang tantarana attallasa'. Kammayatompa sikamma gimbala'na siagang sapina kaminang bajika, ana' sapina siagang ana' gimbala'na kaminang co'moka, kammayatompa sikontu apa-apa lompoa anggaranna; iaji bawang olo'-olo' tenaya matu-matunna siagang tenaya anggaranna naancuru'.