1 SAMUEL 27:8 - KITTA' MATANGKASA'

⁸ Le'baki anjo jammanga, Daud siagang ana' buana biasai mange ambunduki tu Gesur, tu Girzi, tu Amalek; sikamma anjo bansaya sallo ngasemmi ammantang anjoreng ri daeraya. Mangemi a'bundu' sa'genna mange ri Sur, nampa tulusu' mange ri Mesir.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Nampa a'lampamo Yoab mange ri Gesur untu' ambuntuli Absalom ammotere' mange ri Yerusalem.

2 SAMUEL 14:32

Appialimi Absalom angkana, “Lanri tenana nuero' battu ri wattunnu kukio'. Erokka' assuroko mange andallekang ri karaenga siagang ampabattui anne pakkuta'nangku, ‘Apa matu-matunna kubokoi Gesur siagang ammotere' mae anrinni? Bajikangngang anjoremma' ammantang.’ ” Siagang nakana pole Absalom, “Usahakangi sollangku akkulle andallekang ri karaenga, siagang punna nicini' tau sala ija', sadiama' lanihukkung mate.”

2 SAMUEL 15:8

Nasaba' ri wattungku nia' ija ammantang ri Gesur pa'rasangang Siria, le'baka' a'janji la'lampa assambayang mae ri Batara ri Hebron punna Nasarea' pangngellai ammotere' mange ri Yerusalem.”

2 SAMUEL 3:22

A'lampanamo Abner, ammotereki Yoab siagang ana' buana Daud maraenganga battu ri pa'bundukanga siagang jai naerang ke'nanga barang-barang nirampasa' lalang pa'bundukanga.

2 SAMUEL 3:3

Kileab. Amma'na iamintu Abigail, jandana Nabal battua ri Karmel. Absalom. Amma'na iamintu Maakha, ana' bainena Karaeng Talmai battua ri Gesur.

1 PATTOTTORANG 2:23

Mingka battui kakaraengang Gesur siagang Aram ambetai annampulo desa niaka anjoreng ri daeraya, kammayatompa desa-desana tu Yair, desa Kenat, siagang desa-desa ca'di niaka a'reppese. Sikontu tau niaka ammantang anjoreng turungang battu ngaseng ri Makhir, manggena Gilead.

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

KALAPPASSANG 17:8

Nampa battumo tu Amalek ambunduki tu Israel ri Rafidim.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PAMMILANGNGANG 14:45

Jari nibundukimi ke'nanga ri tu Amalek siagang tu Kanaan niaka ammantang anjoreng; na nibetamo tu Israel sa'genna niondang ke'nanga sa'genna mange ri Horma.

YOSUA 12:5

Daera kakoasanna iamintu Moncong Hermon, Salkha, siagang sikontu daera Basan sa'genna daera Gesur siagang Maakha; kammayatompa antamaki bageruanna daera Gilead sa'genna daera kakoasanna Karaeng Sihon ri kota Hesybon.

YOSUA 13:13

Mingka pandudu'na Gesur siagang Maakha tena nabongkai tu Israel; ammantangiji ke'nanga ri Israel.

YOSUA 13:2

sikontu daera Filistin siagang Gesur,

YOSUA 16:10

Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.

HAKING-HAKING 1:29

Anjoreng ri kota Gezer, tena nabongkai suku Efraim tu Kanaan niaka ammantang ri anjo kotaya. Jari ammantangiji tu Kanaan anjoreng sipammantangang ke'nanga.

1 SAMUEL 29:6

Jari Akhis nakio'mi Daud nampa nakana ri ia, “Tappaka' lanri Batara mattallasaka, angkanaya tamamminrayako mae ri nakke. Rannua' punna nururunganga' lalang ri anne pa'bundukanga. Nasaba' baku' battunu mae ri nakke sa'genna kamma-kamma anne, tenapa kasalannu kugappa. Mingka sikamma karaeng maraenga tena nangaia'.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.