1 SAMUEL 27:6 - KITTA' MATANGKASA'

⁶ Nampa Akhis napassareammi kota Ziklag mae ri Daud. Na iaminjo saba'na anjo kota Ziklag a'jarimi kotana karaeng-karaeng Yehuda sa'genna kamma-kamma anne.

1 SAMUEL 27:6 ပူးပေါင်းရင်းမြစ်များ

2 SAMUEL 1:1

Ri wattunna matemo Saul, ammotere'mi Daud battu ri pa'bundukanga ambetai tu Amalek, nampa ammantang ri Ziklag ruangallo.

1 PATTOTTORANG 12:1

Ri wattunna lari Daud alliliangi kalenna battu ri Karaeng Saul, a'lampami mange ri Ziklag. Jaimi pejuang tammamminraya ri Daud siagang tuniakamo pangalamanna battu a'gabung mae ri Daud.

1 PATTOTTORANG 12:20

Iaminne areng-arenna sikamma pejuang battua ri suku Manasye, a'jari aganga mae ri Daud ri wattunna lalang pa'jappang Daud mange ri Ziklag: Adnah, Yozabad, Yediael, Mikhael, Yozabad, Elihu siagang Ziletai. Massing a'jari pamimpingi ke'nanga ri 1.000 tantara.

1 PATTOTTORANG 4:30

Betuel, Horma, Ziklag,

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

1 SAMUEL 27:5

Nampa napala'mi Daud mae ri Akhis angkana, “Punna sannanja karaengku mae ri anne atanta, kisaremi atanta se're kota ca'di ri padalamang untu' napammantangngi atanta, sollanna tenamo nannompang anne atanta ri katte anrinni ri kotaya.”

1 SAMUEL 29:4

Mingka larromi anjo sikamma panglimana tu Filistin mae ri Akhis na nakana ri ia, “Suroi anjo taua ammotere' mange ri kota le'baka nusareangi. Takkulleai amminawang a'bundu' siagang ikatte. Gassingka naalle battu ri bokojaki' lalang ri pa'bundukanga. Sai iaminne kasampatang sannaka baji'na ri ia untu' angngallei pa'mai'na karaenna punna nabuno ana' buata?

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

1 SAMUEL 30:14

Le'baki ikambe battu ambunduki tu Kreti ri bageang timboranna Yehuda siagang daera bijanna Kaleb, kammayatompa le'ba'mi nitunu sa'genna la'busu' kota Ziklag.”