1 SAMUEL 26:25 - KITTA' MATANGKASA'

²⁵ Nampa nakanamo Saul ri Daud, “Nabarakkakiko Batara, anakku! La'wasselekko lalang sikontu jama-jamannu!” Nampa napatulusu'mo jappana Daud. Kammayatompa Saul ammotere' tommi mange ri balla'na.

1 SAMUEL 26:25 ပူးပေါင်းရင်းမြစ်များ

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PANGNGEBARANG 26:25

Manna nasombere', teako patappakki; lanri kabirisanga angkoasai atinna.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

HOSEA 12:4

Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

ROMA 8:35

Maka inai lakkulle ampisangkai Almasi angkamaseangki'? Maka akkullei kasusaanga yareka kasukkaranga, yareka passessaya, yareka kacipuranga, yareka kakasi-asianga, yareka bahayaya, yareka kamateanga, ampisangkai Almasi angkamaseangki'?

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

1 SAMUEL 24:20

Kamma-kamma anne tappa'ma' angkanaya ikau la'jari karaeng ri Israel, siagang angkanaya lakassaki kakaraenganna Israel irawangang parentanu.

1 SAMUEL 24:22

Nampa assumpamo Daud lanagaukang anjo passalaka. Nampa ammotere'mo Saul mange ri balla'na, kammayatompa Daud siagang ana' buana ammotere' tommi battu ri paccokkoanna.