1 SAMUEL 26:21 - KITTA' MATANGKASA'

²¹ Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”

1 SAMUEL 26:21 ပူးပေါင်းရင်းမြစ်များ

2 KARAENG-KARAENG 1:13

Sikalipi pole assuro karaenga sitau perwira siagang limampulo ana' buana. Anjo perwiraya naiki ri bontoa siagang ri wattunna battu ri dallekanna Elia akkulantu'mi nampa angkana, “Pammopporanga', o, atanNa Allata'ala! Kikamaseanga' siagang anne limampuloa ana' buaku. Teaki' bunoi ikambe!

2 KARAENG-KARAENG 1:14

Rua perwira maraeng siagang ana' buana mate kabusu'mi nakanre pepe' battu ratea ri langika, mingka inakke kupalaki nakikamaseanga'!”

PAMMUJI 116:15

Tamaka manynyayanNa Batara ri kamateanna se're tunikamaseanna.

PAMMUJI 49:8

Sitojenna tena manna sitau akkulle ampasalamaki sari'battanna, yareka a'bayara' ampasuluki battu ri Allata'ala.

PAMMUJI 72:14

Nalappassangi ke'nanga battu ri panjallakkanga siagang katerassanga, saba' lompoi anggaranna katallassanna ke'nanga mae ri ia.

KALAPPASSANG 9:27

Nampa nakio'mi karaenga anjo Musa siagang Harun, na nakana, “Dorakama'. Batara annaba, inakke siagang ra'yakku a'gau' ja'dala'.

PAMMILANGNGANG 22:34

Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

1 SAMUEL 13:13

Nalangngere'na Samuel anjo, nakanamo ri Saul, “Dongo' sikali anjo panggaukanta karaeng. Ebara' angkana kituruki parentaNa Karaeng Allata'ala mae ri katte, ma'nassa laNapattantui Batara angkana ikatte siagang turunganta la'jari karaeng situlusu'na.

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”

1 SAMUEL 18:30

Punna battui tantara Filistin ambunduki Israel, tuli la'bi a'wasseleki Daud, antumpassangi ke'nanga, na ia perwira maraenganga. Jari pila' masahoro'mi Daud.

1 SAMUEL 24:17

Nampa nakanamo ri Daud, “Ikau annaba, na inakke sala.

1 SAMUEL 26:22

Mingka appialimi Daud angkana, “Annemi poketa karaeng, assuro maki' sitau tantarana karaengku battu mae angngallei.

1 SAMUEL 26:24

Jari, sangkamma batena atanta, anne alloa narellakammi karaengku attallasa', kamma tomminjo tapporo nikatutui anne atanta ri Batara siagang nilappassang battu ri sikontu bahayaya!”

1 SAMUEL 27:4

Nalangngere'na Saul angkanaya larimi Daud mange ri Gat, tenamo nausaha ero' anjakkalaki.