1 SAMUEL 26:18 - KITTA' MATANGKASA'

¹⁸ Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

1 SAMUEL 26:18 ပူးပေါင်းရင်းမြစ်များ

PAMMUJI 119:161

Sikamma ammarentaya naondanga' natena passabakkanna, mingka hukkunTaji bawang kukamallakkang.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

YEREMIA 37:18

Le'baki anjo akkuta'namma' angkana, “Apa kaja'dallangku mae ri katte karaeng yareka mae ri pagaweta, yareka mae ri ra'yaka, sa'genna kipantama' ri balla' tarungkua karaeng?

YOHANES 10:32

Mingka Nakanamo Isa ri ke'nanga, “Nucini' ngasemmi panggaukang baji' le'baka Kugaukang, situru' tugasa' Napassareanga Manggea ri Nakke. Battu ri yangasenna anjo panggaukanga, kereanga a'jari saba' nanusiratang ansambilA' batu?”

YOHANES 18:23

Appialimi Isa Nakana, “Punna nia' apa-apa sala Kupau, paumi anrinni angkana apa salana! Mingka punna annaba memang todong anjo Kupaua, apa saba'na nanutempaka'rangA'?”

YOHANES 8:46

Inai ri kau akkulle ampa'butti angkanaya nia' dosa ri KalengKu? Punna katojengang Kupau, apa saba'na nutatappaka ri Nakke?

1 SAMUEL 17:29

Appialimi Daud angkana, “Apa kasalangku? Nakke poro akkuta'nanja' bawang!”

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 24:9

Assailemi Saul mae ri boko. Su'ju'mi Daud ampakala'biriki Saul na nakana, “Angngapa nakipilangngeri kananna taua angkana erokka' ancilakaiki' Karaeng?