1 SAMUEL 25:6 - KITTA' MATANGKASA'

⁶ angngagangi sibuntulu' Nabal untu' ampabattui sallanna Daud mae ri ia. Nasuromi ke'nanga akkana kamma anne ri Nabal, “Salama' siagang salewangang mae ri kau siagang kaluarganu kammayatompa sikontu barang-barannu.

1 SAMUEL 25:6 ပူးပေါင်းရင်းမြစ်များ

PA'JARIANG 43:23

Nakanamo anjo palayanga, “Teako mallakki. Teako bata-batai. Allata'ala, iamintu Allata'ala napakalompoa manggenu, iami ampantamaki anjo doeka ri karunnu. Le'ba'mi kutarima pa'bayara'nu untu' anjo gandunga.” Le'baki anjo naerammi Simeon mae ri ke'nanga.

2 SAMUEL 18:28

Akkio'mi Ahimaas a'bari sallang ri karaenga, nampa su'ju' siagang nakana, “Nipujimi arenNa Karaeng Allata'alata, le'baka ampassareangi mae ri katte sikamma tau angngewaya mae ri katte!”

1 PATTOTTORANG 12:18

Kalase'renna ke'nanga, iamintu Amasai, a'jaria sallang pamimping ri anjo nikanaya “Tallumpuloa Perwira,” nikoasai ri RohNa Allata'ala, angkana, “O Daud, ana'na Isai! Ikambe anne erokki' ambantuko! Poro ikau siagang sikamma ke'nanga ambantuako nisarei pammetang. Niaki Allata'ala angngagangangko!” Jari nitarimami ke'nanga ri Daud siagang niangka'mi ke'nanga a'jari perwira lalang ri tantarana.

PAMMUJI 122:7

Poro nia' lalo passiamakkang lalang ri daeranu, na kasannangngang lalang ri tampa'-tampa' pattahangngannu.”

PAMMUJI 122:8

Lanri sikontu bija pammanakangku siagang bela-belaku kukanamo, “Poro salewangangko!”

LUKAS 10:5

Punna antamakko ri se'reang balla', a'barisallangko rolong angkana, ‘Poro nibarakkaki bonena anne ballaka.’

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

1 TESALONIKA 3:8

sa'genna kamma-kamma anne attallasa' tojeng-tojemmi nakasia' ikambe, assala' tuli majarrekko, asse're mae ri Batara.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

1 SAMUEL 25:5

nia'mo nasuro sampulo turungka mange ri Karmel,