1 SAMUEL 25:32 - KITTA' MATANGKASA'

³² Nakanamo Daud ri ia, “Nipujimi Batara, Allata'alana Israel ia assuroako battu ambuntulia' anne alloa.

1 SAMUEL 25:32 ပူးပေါင်းရင်းမြစ်များ

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

1 KARAENG-KARAENG 1:48

appala' doang angkana, ‘Nipujiki', o Batara, Allata'ala nasombaya umma' Israel. Anne alloa kalase'renna turungangku le'ba'mi Kiangka' a'jari karaeng untu' ansambeanga'. Siagang iKattemi ansarea' kasampatang attallasa' untu' ansa'bi!’ ”

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

EZRA 7:27

Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.

KALAPPASSANG 18:10

siagang nakanamo, “Nipujimi Batara le'baka ampasalamakko battu ri limanna Karaeng Mesir siagang ra'ya'na. Nipujimi Batara le'baka allappassangi bansa Israel battu ri nipare' ataya.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

2 KORINTUS 8:16

Teai sipato' sukkuru'na ikambe mae ri Allata'ala nasaba' nisarena todong pakkulle Titus attojeng-tojeng ambantu ngasengko!

YOSUA 22:33

Jari sannammi nyawana umma' Israel mae ri anjo passalaka, sa'genna mammuji-mujimo ke'nanga mae ri Allata'ala. Tenamo nasero kanai pole anjo passala' ero'na ke'nanga ambunduki tu Ruben siagang tu Gad, siagang untu' angngancuruki pa'rasanganna ke'nanga.