1 SAMUEL 25:28 - KITTA' MATANGKASA'

²⁸ Kipammopporangi kacapakkanna atanta. Mattantu Batara laNaangkakki' siagang turunganta a'jari karaeng mae ri Israel, nasaba' a'bundukki' untu' Batara; siagang tena nalakigaukang kaja'dallanga lalang sikontu tallasatta.

1 SAMUEL 25:28 ပူးပေါင်းရင်းမြစ်များ

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

2 SAMUEL 7:27

O, Batara Kaminang Koasaya! Kupa'baraniangi kalengku ampanaiki anne pappala' doangku mae ri Katte, lanri iKatte KalenTa le'ba' ampauanga' angkanaya ana' cucungku situlusu'na laKipa'jari karaeng mae ri anne bansaya.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 9:5

laKurupai janjingKu mae ri manggenu Daud, angkanaya ana' cucunna situlusu'na tuli lammarentai ri Israel.

1 PATTOTTORANG 17:25

Kupa'baraniangi kalengku ampanaiki anne pappala' doangangku ri Katte, O, Allata'ala, nasaba' iKatte KalenTa le'ba' ampauanga' angkanaya ana'-cucungku turung-manurung laKipa'jari karaeng mae ri anne bansaya.

2 PATTOTTORANG 20:15

nampa angkana, “O Karaeng mala'birikku siagang sikamma sari'battangku niaka hadere'. Angkanai Batara angkanaya teako tappu' minasai yareka teako mallakki andallekangi anjo tantara jaia. Nasaba' teai ikau la'bundu', passangalinna Allata'ala.

PAMMUJI 7:3

Teaki' lappassangi ke'nanga sanrapang singa angkokkoka' siagang anre'resanga' na taena pannulungku.

PAMMUJI 89:29

Latuli Kukamaseangi satunggu-tungguna, parjanjiangKu siagang ia tuli majarre'na.

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

LUKAS 23:41

Mingka ikatte siratang memang tongki' nihukkung situru' panggaukanta. Mingka Ia tena sikali salaNa!”

LUKAS 23:47

Ri wattunna nacini' perwira pasukanga anjo apa kajarianga, ammujimi ri Allata'ala. Nakana, “Kontu tojengi, anne taua ma'nassa tena nasala!”

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 17:47

Siagang sikontu tau niaka anrinni lanaciniki angkanaya tena Naparallu Batara ri pa'dang yareka poke untu' ampasalamaki umma'Na. Iami ampattantui jappana anne pa'bundukanga, siagang Iami lampassareang ngasengko mae ri limanna ikambe.”

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.

1 SAMUEL 22:14

Appialimi Ahimelekh angkana, “Mingka teaika Daud perwira tantarata kaminang tenaya pamminrana? Ia mintu kalenta, kapala pangawala' kalenta, siagang sannaka nipakalompona lalang ri balla' kakaraenganta?

1 SAMUEL 24:11

Ciniki Bapa'! Ciniki anne polonna jubata anne nata'galaka atanta. Sitojenna akkullei atanta ambunoki', mingka poro napolonji bawang sike'de' atanta anjo biring jubata. Jari a'nassami angkanaya tena pikkirang ja'dala'na yareka dorakana atanta mae ri katte. Kiondang mange-mangei atanta lanri erotta ambunoi, manna natena kasalanna atanta mae ri katte manna sike'de' dudu.

1 SAMUEL 24:17

Nampa nakanamo ri Daud, “Ikau annaba, na inakke sala.

1 SAMUEL 24:21

Kamma-kamma anne a'janji mako ri nakke lanri Batara, angkanaya tena nalanubuno turungangku, siagang tena todong nalanuapusu' arenna kaluargaku!”

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.

1 SAMUEL 25:24

ri bangkenna Daud, nampa nakana, “O karaeng, kipilangngeria' rolong! Boli'mi kamma kalenna atanta antanggongi anjo kasalanga.

1 SAMUEL 29:3

Sikamma panglimana tu Filistin naciniki ke'nanga nampa akkuta'nang angkana, “Untu' apa nania' anjo tu Ibrania anrinni?” Appialimi Akhis angkana, “Anne Daud, le'ba' pagawena Karaeng Saul battu ri Israel. Sallo-sallomi ammantang ri nakke. Baku' battuna mae ri nakke sa'genna kamma-kamma anne, tenale'bakapi kugappa a'gau' kasalang.”

1 SAMUEL 30:26

Ri wattunna ammotere' Daud mange ri Ziklag, nakirimmi sipa'gang anjo barang-barang nirampasaka mae ri sikamma pamimpinga ri kota-kota Yehuda le'baka ambantui, nanakana, “Iaminne hadia untu' ikau, iamintu barang-barang narampasaka ikambe battu ri musunNa Batara.”