1 SAMUEL 25:26 - KITTA' MATANGKASA'

²⁶ Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.

1 SAMUEL 25:26 ပူးပေါင်းရင်းမြစ်များ

PA'JARIANG 20:6

Appialimi Allata'ala lalang anjo so'naya angkana, “Memang Kuassengi angkanaya matangkasaki ati mailalannu anggaukangi anne. Iaminjo saba'na nataKukellayako a'gau' dosa mae ri Nakke, siagang taKupa'biangako anseroi anjo bainea.

2 SAMUEL 18:32

Akkuta'nammi karaenga angkana, “Apaka salama'ji Absalom?” Nampa appialimo anjo ataya nakana, “Sikontu musunta karaeng, sikontu angngewaya mae ri katte sangkamma ngasengi sarenna, kammayatompa anjo ana' bura'neta.”

2 KARAENG-KARAENG 2:2

nampa ri tangngana aganga nakanamo Elia mae ri Elisa, “Ammantangko anrinni. Nasuroa' Batara a'lampa mange ri Betel.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana sa'genna mange ri Betel.

2 KARAENG-KARAENG 4:6

Wattunna rassi kabusu'mo anjo botoloka, appala'mi pole botolo'. Appialimi kalase'renna ana'na angkana, “La'busu'mi.” Jari tenamo nassolong pole anjo minynyaka.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PANGNGEBARANG 31:12

Tale'bakai a'gau' kodi mae ri bura'nenna; lalang sikontu tallasa'na baji' gauki mae ri ia.

YEREMIA 29:22

Napunna anjo sikamma tau le'bakamo niengka' battu ri Yerusalem mange ri Babel eroki natunra taua, angkanai ke'nanga, ‘Poro Nagaukang lalo Batara mae ri kau sangkamma le'baka Nagaukang mae ri Zedekia siagang Ahab, le'baka nitunu attallasa' ri karaeng Babel.’

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

IBRANI 10:30

Ikatte niassengi inai anjo angkanaya, “La'balasakA'! LassareA' hukkungang!” kammayatompa angkanaya, “LaNaadeli Batara Umma'Na.”

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

1 SAMUEL 20:16

teako tappuki anjo parjanjianta sipa'rua. Punna nutappuki, Batara langhukkungko.”

1 SAMUEL 20:3

Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”

1 SAMUEL 22:3

Battu anjoreng ri kali'bonga a'lampami Daud mange ri Mizpa ri daera Moab. Nampa nakana ri karaeng pa'rasangang Moab, “Kisarei ising manggena siagang amma'na atanta ammantang ri katte, sa'genna naasseng angkana apa ero'Na Allata'ala mae ri atanta.”

1 SAMUEL 25:25

Tea' maki' pikkiriki Nabal karaeng, anjo tu tenaya matu-matunna! Ia tau tolo – sangkamma battuanna arenna. Tena naciniki atanta sikamma anjo tau kisuroa karaeng.

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.