1 SAMUEL 25:25 - KITTA' MATANGKASA'

²⁵ Tea' maki' pikkiriki Nabal karaeng, anjo tu tenaya matu-matunna! Ia tau tolo – sangkamma battuanna arenna. Tena naciniki atanta sikamma anjo tau kisuroa karaeng.

1 SAMUEL 25:25 ပူးပေါင်းရင်းမြစ်များ

2 SAMUEL 13:33

Jari teaki' tappakki angkanaya mate kabusu'mi ana' bura'neta karaeng, nasaba' ia matea iamintu poro Amnon bawang.”

PANGNGEBARANG 29:7

Tau bajika naassengi ha'na tau lammaya, mingka tau ja'dalaka tanapahangai.

YESAYA 32:5

Tau toloa tenamo nanipakalompoi, patipua tenamo nanikana lambusuki.

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”

1 SAMUEL 25:24

ri bangkenna Daud, nampa nakana, “O karaeng, kipilangngeria' rolong! Boli'mi kamma kalenna atanta antanggongi anjo kasalanga.

1 SAMUEL 25:26

Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.