1 SAMUEL 25:17 - KITTA' MATANGKASA'

¹⁷ Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”

1 SAMUEL 25:17 ပူးပေါင်းရင်းမြစ်များ

2 SAMUEL 24:13

battumi Gad andallekang nampa napabattuang anjo kananNa Batara nakana, “Kereanga kipilei karaeng: Anne pa'rasanganga nituju ri bala kacipurang tallun taung sallona, yareka niondangki' ri musunta lalang tallum bulang sallona, yareka nitujui anne pa'rasanganga ri garring lalang tallung ngallo? Kitappuki kamma-kamma anne apa musti kupabattu mae ri Batara.”

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

ESTER 7:7

Teaimi sipato' larrona karaenga. Ammentemmi nampa nabokoi mejanga nampa tulusu' assulu', ri koko balla' karaenga. Naassemmi Haman angkana natappukimi karaenga untu' anghukkungi. Jari ammantammi siagang Ester untu' ampalaki ri Ester sollanna nipalili ri anjo balaya.

PANGNGEBARANG 12:8

Lanipuji taua situru' kacara'dekanna; nihinai taua situru' kadongokanna.

PAOLE 13:13

angkanaya nia' siapa are tau ja'dala' battu ri bansanu le'ba' ampasala oloangi pandudu'na kotaya untu' anynyomba ri rewata-rewata maraenga tenaya nanuassengi.

HAKING-HAKING 19:22

Lalang assannang-sannanna ke'nanga, sikali nilipummi anjo ballaka ri tau banna'na anjo kotaya. Napagarumbanga tojemmi ke'nanga pakke'bu'na anjo ballaka na nakana ri anjo tau toaya, “Passareangi anjo bura'ne nueranga mae ri balla'nu mae ri kambe. Eroki ikambe ampakei!”

1 SAMUEL 10:27

Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 20:7

Punna nakana karaenga, ‘Baji'mi,’ laamammi kusa'ring. Mingka punna larroi, assemmi angkanaya le'ba'mi napattantu ma'nassa erokka' nacilakai.

1 SAMUEL 20:9

Appialimi Yonatan angkana, “Teako batai! Punna kuasseng angkana ma'nassa ero' tojengi manggeku ancilakaiko, tantu lakupauangko.”

1 SAMUEL 25:16

Allo bangngi ke'nanga anjagai ikambe baku'na ikambe akkalawaki bembe siagang gimbala' ri ampi'na ke'nanga.

1 SAMUEL 25:18

Jari akkaro-karomi Abigail angngalle ruambilangngang roti, siagang pammoneang rassia anggoro', limang kayu gimbala' nilangga, sampulo antuju kilo battala'na gandung, sibilangngang tangkenna anggoro' kalotoro' kammayatompa ruambilangngang kanrejawa ara. Yangasenna anjo nilurammi irate ri sikamma keledaina.

1 SAMUEL 25:25

Tea' maki' pikkiriki Nabal karaeng, anjo tu tenaya matu-matunna! Ia tau tolo – sangkamma battuanna arenna. Tena naciniki atanta sikamma anjo tau kisuroa karaeng.