1 SAMUEL 25:10 - KITTA' MATANGKASA'

¹⁰ Mingka appialimi Nabal angkana, “Daud? Inai tau anjo? Inai anjo ana'na Isai? Tale'bakapa' allangngereki kabara'na! Anne allo-allo beru allaloa, jai ata lari ambokoi pinggawana ri anne pa'rasanganga!

1 SAMUEL 25:10 ပူးပေါင်းရင်းမြစ်များ

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

1 KARAENG-KARAENG 12:16

Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

KATO'BA 7:10

Teako akkuta'nangngi angkana, ‘Angngapa nabajikangngang jammang riolo na jammang kamma-kammaya anne?’ Tau toloaji akkuta'nang kamma.

YESAYA 32:5

Tau toloa tenamo nanipakalompoi, patipua tenamo nanikana lambusuki.

YESAYA 32:7

Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

HAKING-HAKING 9:28

“Inaiki' anne nakimusti tundu' mae ri Abimelekh?” Nakanamo Gaal, “Inai tau anjo sitojenna? Sai ana'na Gideon, siaganga Zebul a'jari atai mae ri Hemor, manggena Sikhem, boe-boeta!”

1 SAMUEL 20:30

Nalangngere'na anjo a'jari larro sikalimi Saul mae ri Yonatan siagang nakana, “Ana' harang lompo! Kamma-kamma anne kuassemmi angkanaya nualleangangi Daud na nupakasiri' kalennu siagang amma'nu!

1 SAMUEL 22:2

Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.

1 SAMUEL 25:9

Battui mae ri Karmel, napabattumi ana' buana Daud anjo pasanna mae ri Nabal lalang arenna Daud, nampa attayang ke'nanga.