1 SAMUEL 24:7 - KITTA' MATANGKASA'

⁷ Kammaminjo nanapakasannammo ana' buana, siagang tena nakellai ke'nanga mange ambunduki Saul. Ammentemmi Saul nampa nabokoi anjo kali'bonga ero' ampatulusuki lampana.

1 SAMUEL 24:7 ပူးပေါင်းရင်းမြစ်များ

2 SAMUEL 1:14

Akkanami Daud, “Barani sikaliko ambunoi karaeng Napilea Batara!”

PAMMUJI 7:4

O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”

1 SAMUEL 24:6

Nakanamo ri ana' buana, “Tapporo Nakatutuia' Batara sollanna tena ku'gau' ja'dala' mae ri karaengku ia le'baka Napile Batara. Manna pole sike'de' takkullei kupa'risi, lanri iami karaeng Napilea Batara!”

1 SAMUEL 24:8

Assulu'mi Daud battu ri anjo kali'bonga nampa akkio' ri bokona Saul angkana, “Karaeng!”

1 SAMUEL 25:33

Nipujimi kabajikannu siagang nipuji tommako ikau kalennu lanri nutahangku anggaukangi panggaukang ammunoa kammayatompa a'jari haking kalenna.

1 SAMUEL 26:23

Batara lambarakkaki sikamma tau tamamminraya siagang lambusuka pa'mai'na. Nasaba' manna pole anne alloa Napasasareammi Batara karaengku mae ri atanta, mingka taerokai atanta a'gau' ja'dala' mae ri karaengku, karaeng nipilea ri Batara.

1 SAMUEL 26:9

Mingka nakanamo Daud, “Teako apa-apai! Musti Nahukkungi Batara tau a'gau' ja'dalaka mae ri karaeng Napilea.