1 SAMUEL 24:11 - KITTA' MATANGKASA'

¹¹ Ciniki Bapa'! Ciniki anne polonna jubata anne nata'galaka atanta. Sitojenna akkullei atanta ambunoki', mingka poro napolonji bawang sike'de' atanta anjo biring jubata. Jari a'nassami angkanaya tena pikkirang ja'dala'na yareka dorakana atanta mae ri katte. Kiondang mange-mangei atanta lanri erotta ambunoi, manna natena kasalanna atanta mae ri katte manna sike'de' dudu.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

Akkanami Daud, “Barani sikaliko ambunoi karaeng Napilea Batara!”

2 KARAENG-KARAENG 5:13

Mingka nalangngere'mi palayang-palayanna akkana kamma. A'reppese'mi ke'nanga nampa angkana, “Bapa', ebara' angkana nisuroki' anggaukang apa sukkara', mattantuna lakigaukangi. La'biangampa kanasurojaki' bawang a'je'ne' sollanta a'jari baji!”

AYUB 10:16

Punna nia' wassele' bajikku, manna tena siapa, Kiondanga' sanrapang singa. Nampa Kipappicinikang ammotere' koasaTa, poro untu' ampakamallaka'.

PAMMUJI 119:161

Sikamma ammarentaya naondanga' natena passabakkanna, mingka hukkunTaji bawang kukamallakkang.

PAMMUJI 140:11

Boli'mi kamma nipibosi ke'nanga ri bara pepe', nampa nipela' antama' ri kali'bong kamateanga, sa'genna takkullea assulu' poleang.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

PAMMUJI 59:3

Kilappassanga' battu ri tau a'gau' ja'dalaka, pakabella' battu ri tau pabunoa.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

PIRAUNG 4:18

Takkulleai ikambe assulu' ri aganga, lanri tuli nijagaita ri musua. A'reppese'mi a'jala'na ikambe lanri angganna'mi allonna ikambe.

YEHEZKIEL 13:18

siagang pabattui kanangKu, iNakke, Batara Kaminang Tinggia, mae ri ke'nanga: ‘Cilaka ngasengko! Nupapparekang ngasengi taua ponto-ponto jima' siagang bongong-bongong ammakea baca, sa'genna akkulle nakoasai tau maraenga. Erokko koasa mae ri tallasa'na siagang matena ummakKu, siagang anjo koasa kammaya nupakei untu' kaparalluang kalennu.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”

1 SAMUEL 23:14

Le'baki anjo ammantammi Daud ri kali'bong-kalibong niaka ri monconga, ri parang lompona Zif. Tuli niondang mange-mangemi ri Saul, mingka tanipassareangai mae ri anjo karaenga.

1 SAMUEL 23:23

Jari paressa baji'-bajiki sikamma kali'bong le'baka napaccokkoi, nampa ammoterekko mae sallang untu' allaporoki mae ri nakke. Nampa la'lampa' siagang ikau ngaseng, siagang punna nia' iji ri anjo daeraya, mattantu lakuboyai, manna pole namusti kupasimbung sikontu Yehuda!”

1 SAMUEL 25:28

Kipammopporangi kacapakkanna atanta. Mattantu Batara laNaangkakki' siagang turunganta a'jari karaeng mae ri Israel, nasaba' a'bundukki' untu' Batara; siagang tena nalakigaukang kaja'dallanga lalang sikontu tallasatta.

1 SAMUEL 26:18

Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

1 SAMUEL 26:20

Teaki' balang parekangi atanta mate ri butta maraenga, bellaya battu ri Batara. Apa matu-matunna karaeng Israel battu untu' ammuno sikayu kutu sangkamma anne atanta? Apa matu-matunna angngondangi atanta anne, sanrapang tau angngondanga jangang romang?”

1 SAMUEL 26:23

Batara lambarakkaki sikamma tau tamamminraya siagang lambusuka pa'mai'na. Nasaba' manna pole anne alloa Napasasareammi Batara karaengku mae ri atanta, mingka taerokai atanta a'gau' ja'dala' mae ri karaengku, karaeng nipilea ri Batara.