1 SAMUEL 23:8 - KITTA' MATANGKASA'

⁸ Nampa napagio'mo Saul tantarana na'lampa mange ri Kehila untu' angkurungi Daud siagang ana' buana.

1 SAMUEL 23:8 ပူးပေါင်းရင်းမြစ်များ

1 KARAENG-KARAENG 2:26

Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

1 SAMUEL 23:10

Nampa appala' doang Daud nakana, “O Batara, Allata'alana Israel, kulangngereki angkanaya laniaki Saul battu mae ri Kehila na naancuru' anjo kotaya, passabakkang inakke anne, atanTa.

1 SAMUEL 23:7

Ri wattunna nipauang Saul angkanaya niaki Daud ri Kehila, appikkiri'mi Saul angkana, “Napassareammi Allata'ala anjo Daud mae ri nakke. Takkurummi nasaba' antama'mi ri kota niaka tembo'na siagang niaka pakke'bu' lompona.”

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”