1 SAMUEL 23:27 - KITTA' MATANGKASA'

²⁷ Mingka sikali nia'mo sitau tunisuro battu andallekang ri Saul angkana, “Karo-karo laloki' ammotere' karaeng! Battumi tu Filistin ambunduki pa'rasanganta!”

1 SAMUEL 23:27 ပူးပေါင်းရင်းမြစ်များ

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

2 KARAENG-KARAENG 19:9

Le'ba'mi anggappa karaeng Asyur kabara' angkanaya nia'mi lalang pa'jappang pasukang Mesir nipimpinga ri Tirhaka karaeng Sudan untu' battu ambunduki ke'nanga. Lanri kammana anjo, akkirimmi karaeng Asyur sura' mange ri Hizkia karaeng Yehuda.

1 PATTOTTORANG 14:13

Tena nasallo battumi pole tu Filistin siagang anrampoki taua ri Lappara' Refaim.

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PAPPICINI' 12:16

Mingka nibantumi anjo bainea ri buttaya; nasungkei bawana buttaya na naa'lu' anjo je'ne' assuluka battu ri bawana anjo nagaya.

1 SAMUEL 23:26

Saul siagang tantarana a'jappai ri biring anrinnina monconga, nampa Daud siagang ana' buana ri biring ba'leanna anjoreng. Akkaro-karomi Daud alliliangi kalenna battu ri Saul, appakkaramulayamo angkurungi siagang anjakkalaki ke'nanga.

1 SAMUEL 23:28

Jari ammarimi Saul angngondangi Daud, nampa a'lampa untu' a'bundu' siagang tu Filistin. Iaminjo saba'na naniaremmo anjo tampaka Moncong Passisa'lakkang.

1 SAMUEL 27:10

Punna akkuta'nang Akhis ri ia angkana, “Kemaeko a'bundu' ri kamma-kammaya anne?” Jari appialimi Daud angkanaya a'lampai mange ri bageang timboranna Yehuda yareka ri daerana tu Yerahmeel yareka ri daera pammantanganna tu Keni.