1 SAMUEL 23:25 - KITTA' MATANGKASA'

²⁵ Battumi Saul siagang tantarana ero' amboyai Daud. Mingka nipabattuammi Daud ri taua anjo kabaraka, sa'genna a'lampamo Daud mange ri moncong batua ri parang lompona Maon nampa ammantang anjoreng. Naassenna Saul anjo kabaraka, a'lampami linta' mange angngondangi Daud.

1 SAMUEL 23:25 ပူးပေါင်းရင်းမြစ်များ

2 SAMUEL 22:2

[Mangngaia' ri Katte, o Batara, iKattemi kagassingangku.]

HAKING-HAKING 15:8

Nampa nabundukimo siagang nasessa-sessami ke'nanga. Jaimi tau ri ke'nanga nabuno. Le'baki anjo, a'lampami mange ammantang ilalang ri se'reang kali'bong batu, irate ri bulu' batua ri Etam.

1 SAMUEL 23:24

Jari a'lampa ngasemmi anjo taua ammotere' mange ri Zif ampilumbai Saul. Anjo wattua Daud siagang ana' buana niaki ri parang lompo Maon, ri lappara' sinoa ri daera timboranna parang lompo Yehuda.

1 SAMUEL 23:26

Saul siagang tantarana a'jappai ri biring anrinnina monconga, nampa Daud siagang ana' buana ri biring ba'leanna anjoreng. Akkaro-karomi Daud alliliangi kalenna battu ri Saul, appakkaramulayamo angkurungi siagang anjakkalaki ke'nanga.

1 SAMUEL 23:28

Jari ammarimi Saul angngondangi Daud, nampa a'lampa untu' a'bundu' siagang tu Filistin. Iaminjo saba'na naniaremmo anjo tampaka Moncong Passisa'lakkang.