1 SAMUEL 23:21 - KITTA' MATANGKASA'

²¹ Appialimi Saul angkana, “Tapporo nibarakkaki ngasengko ri Batara lanri a'gau' baji'nu mae ri nakke!

1 SAMUEL 23:21 ပူးပေါင်းရင်းမြစ်များ

PA'JARIANG 20:13

Jari ri wattungku Nasuro Allata'ala ambokoi balla'na manggeku, nakunampa a'lampa mange-mange a'jari tubattu-battu, kukanamo ri bainengku, ‘Pa'nyatami majarre'na pa'mai'nu ri nakke, lalang nukanana mae ri yangasenna taua angkanaya ikau andikkuko.’ ”

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

HAKING-HAKING 17:2

Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

1 SAMUEL 15:13

Assibuntulu'na Samuel siagang Saul, nakanamo Saul ri ia, “Tapporo Nabarakkakiki' Batara bapa'! Le'ba'mi kugaukang Naparentakanga Batara.”

1 SAMUEL 22:8

Iakaminjo saba'na nanusituju siagang ia untu' ambalianga' na manna sitau tania' ampauanga' angkanaya ana' kalengku naalleangammi anjo lapung Daud? Tena manna sitau ri kau ngaseng ampikkiriki kalengku yareka ampauanga' angkanaya Daud, ana' bua kalengku, kamma-kamma anne attayangi wattu ero' ambunoa', kammayatompa angkanaya anakku Yonatan nasaremi sumanga' anjo lapung Daud!”

1 SAMUEL 23:22

A'lampamako nampa nuassai pole. Paressa baji'-bajiki kemaei Daud, siagang inai le'ba' anciniki anjoreng. Kulangngereki angkanaya sanna' cara'de'na.