1 SAMUEL 23:13 - KITTA' MATANGKASA'

¹³ Jari a'lampami Daud siagang ana' buana niaka kira-kira 600 tau jaina ambokoi kota Kehila, nampa a'lampa a'lette'-lette' battu ri se'reang tampa' mae ri tampa' maraengannaya. Nalangngere'na Saul angkanaya a'lampami Daud battu ri Kehila, tenamo nanjari nabunduki anjo kotaya.

1 SAMUEL 23:13 ပူးပေါင်းရင်းမြစ်များ

2 SAMUEL 15:18

Sikontu pagawena karaenga ammentengi ri sa'rinna ri wattunna a'barrisi' pangawala'na karaenga allaloi. Kammayatompa annambilangngang tantara battu ri Gat nia' todong ampinawangi, a'barrisi' ri dallekanna.

2 SAMUEL 15:20

Tenapa nusallo ammantang anrinni, angngapa nalakusuroko amminawang a'lampa a'la'bang mange-mange siagang kalengku? Inakke kalengku takuassengai angkana la'lampa kemaea'. Ammotere' mako siagang erang tommi julu bansanu, dasi-dasi naNakamaseangko Batara siagang tamamminraya mae ri kau.”

AYUB 5:12

Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

PAMMUJI 34:5

Appala' doanga' ri Batara, nampa appialimo, na Nalappassanga' battu ri kamallakkanga.

1 SAMUEL 22:2

Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.

1 SAMUEL 25:13

Naparentakammi Daud angkana, “Massing pasikko' ngasengi pa'dannu ri aya'nu!” Silalonna memang nanagaukammo ana' buana anjo apa naparentakanga. Napasikko' tommi Daud pa'danna ri aya'na nampa a'lampa siagang kira-kira nia' 400 tau, nampa nia' 200 ammantang untu' a'jaga barang-barang.