1 SAMUEL 22:23 - KITTA' MATANGKASA'

²³ Ammantang mako siagang inakke anrinni, siagang teako mallakki. Eroki Saul ambunoko, mingka ero' tongi ambunoa'. Jari laamangko anrinni ri tampakku.”

1 SAMUEL 22:23 ပူးပေါင်းရင်းမြစ်များ

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

1 KARAENG-KARAENG 1:7

A'lampami sipa'bicara siagang Yoab siagang Imang Abyatar. Amma'na Yoab niarengi Zeruya. Yoab siagang Imang Abyatar situjui untu' ambantui usahana Adonia.

1 KARAENG-KARAENG 2:26

Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

MATIUS 24:9

Siagang lanijakkalakko nunipassareang nisessa nampa nibuno. Lanikabirisiko ri sikontu bonena linoa, lanri amminawangko ri Nakke.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

YOHANES 18:9

Lanri akkana kammana anjo Isa, a'rupami apa le'baka Napau pirangalloang angkana: “Bapa', sikamma tau Kipassareanga ri Nakke, manna sitau talaniakka tappela'.”)

1 SAMUEL 23:17

Nakana Yonatan ri ia, “Teako mallakki, tena nulatu'guru' antama' ri limanna manggeku. Baji' naassenna angkanaya ikau la'jari karaeng Israel, siagang inakke langgappa empoang rawangannu.”