1 SAMUEL 22:17 - KITTA' MATANGKASA'

¹⁷ Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Le'baki anjo appasadiami Absalom kareta pa'bundukang siagang jarang kammayatompa limampulo tau untu' anrurungangi kalenna.

1 KARAENG-KARAENG 1:5

Nasaba' matemi Absalom, jari Adonia, ana' bura'nena Daud makaruaya a'jari kaminang toa. Amma'na niarengi Hagit. Adonia iamintu ana' gammara'. Tale'bakai manggena angkalarroi punna ampanggaukang sala. Adonia ero' dudui a'jari karaeng. Jari napasadiakammi untu' kalenna siapa are jaina kareta pa'bundukang siagang tantara a'jarang kammayatompa limampulo tau untu' pangawala' ri kalenna.

1 KARAENG-KARAENG 14:27

Untu' a'jari sambenna appare'mi Karaeng Rehabeam pakkakasa'-pakkakasa' kammaya anjo nampa napoterang antama' ri kamara' jagaya.

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

2 KARAENG-KARAENG 10:25

Silalonna le'ba'na Yehu assare koro'bang, assulu'mi nampa nakana mae ri sikamma pangawalaka siagang perwiraya, “Antama'mako nampa nubuno kabusu' ke'nanga. Teako lappassangi manna sitau ta'lappasa'!” Jari antama'mi ke'nanga siagang pa'dang ta'bi'bu', nampa nabuno kabusu' sikamma tau niaka anjoreng, nampa nare'resang maya'na ke'nanga assulu'. Nampa antama' ke'nanga ri bageang lalanna balla' panynyombanga,

KALAPPASSANG 1:17

Mingka anjo ruaya sanro pamana', tau malla' ngaseng mae ri Allata'ala. Taerokai ke'nanga anggaukangi anjo apa naparentakanga karaenga; nalappassanji attallasa' sikamma ana' lolo bura'nea.

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

1 SAMUEL 2:31

Pilangngeri angkanaya, lania' sallang wattunna naKubuno sikontu tau rungkaya lalang kaluarganu siagang bija-bijannu, sa'genna tena manna sitau bura'ne lalang ri kaluarganu lala'bu umuru'na.

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.

1 SAMUEL 22:13

Akkuta'nammi Saul ri ia angkana, “Angngapa nussama turu' siagang Daud ambalianga'? Angngapa nupibokongi roti siagang nupassareang pa'danna Goliat mae ri ia, siagang pole nanupappalakkang pitunju' battu ri Allata'ala? Jari kamma-kamma anne nabaliamma' siagang attayammi wattu untu' ambunoa'.”

1 SAMUEL 22:16

Mingka nakanamo karaenga, “Ahimelekh! Ikau siagang sikontu sari'battannu yareka bijannu musti mateko.”

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”

1 SAMUEL 8:11

“Kamma anne sallang batena karaenga anggaukang mae ri kau. Lanapassai ana'-ana'nu antama' tantara; sipa'gang ke'nanga a'jari tantara ri karetaya, sipa'gang a'jari tantara a'jarang, na maraengannaya a'jari tantara a'jappa bangkeng.