1 SAMUEL 22:16 - KITTA' MATANGKASA'

¹⁶ Mingka nakanamo karaenga, “Ahimelekh! Ikau siagang sikontu sari'battannu yareka bijannu musti mateko.”

1 SAMUEL 22:16 ပူးပေါင်းရင်းမြစ်များ

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 19:2

Jari akkirimmi kabara' Izebel mae ri Elia angkana, “Poro nahukkunga' rewataya, ba'lalo nabunoa', punna ammuko ri wattu kamma-kammaya anne, natena nakupakamma tongko anjo apa le'baka nugaukang mae ri anjo na'bi-na'bi Baal.”

ESTER 3:6

Na ri wattunna naasseng angkana tu Yahudi anjo Mordekhai, angngallemi kaputusang untu' anghukkungi Mordekhai. Ba'lalo teai iaji bawang, mingka lanapa'la'busu' tongi sikontu tu Yahudi niaka ri kakaraenganna Persia.

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

DANIEL 2:12

Nalangngere'na anjo kammaya teaimi sipato' larrona karaenga; naparentakammi sollanna nibuno kabusu' sikontu tau cara'de' niaka ri Babel.

DANIEL 2:5

Appialimi karaenga angkana, “Le'baki kutappuki kamma anne: Musti nupauanga' angkanaya apa anjo so'naku kammayatompa musti nupauang tonga' angkana apa battuanna. Punna tanukullea, lanikere'-kere' kabusukko kammayatompa balla'nu lanirumbang tongi.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

LAMPA-LAMPANA 12:19

Nasuromi Herodes taua mange amboyai Petrus. Mingka takkulleami ke'nanga ambuntuluki Petrus. Jari naparentakammi Herodes sollanna nikuta'nang ngaseng anjo tantara pangawalaka nampa nibuno. Le'baki anjo a'lampami Herodes battu ri Yudea, namange ammantang siapa are sallonna ri Kaisarea.

PAOLE 24:16

Teako hukkung matei tau toaya passabakkang kaja'dallang nagaukanga ana'-ana'na; siagang teako hukkung matei ana'-anaka passabakkang kaja'dallang nagaukanga tau toana ke'nanga. Tunggala' taua iapa nakkulle nihukkung mate punna passabakkang panggaukang kaja'dallang kalenna.

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 22:15

Memang, le'baki atanta ampappalakkangi pitunju' battu ri Allata'ala, mingka tena nanampanna anjo nagaukang atanta. Nikanaya passamaturukang ambaliangki', teaki' tudui atanta yareka kalase'renna tau lalanga ri kaluargana atanta. Tena apa-apa pangngassenna atanta ri anjo passalaka!”

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.