1 SAMUEL 22:15 - KITTA' MATANGKASA'

¹⁵ Memang, le'baki atanta ampappalakkangi pitunju' battu ri Allata'ala, mingka tena nanampanna anjo nagaukang atanta. Nikanaya passamaturukang ambaliangki', teaki' tudui atanta yareka kalase'renna tau lalanga ri kaluargana atanta. Tena apa-apa pangngassenna atanta ri anjo passalaka!”

1 SAMUEL 22:15 ပူးပေါင်းရင်းမြစ်များ

2 SAMUEL 15:11

Nia' ruambilangngang tau anrurungangi Absalom battu ri Yerusalem a'lampa mange ri Hebron. Tena apa-apa naasseng ke'nanga ri passala'na anjo passikongkolanga siagang amminawang turuki a'lampa ke'nanga tena ranggaselana.

2 SAMUEL 19:18

Nabantumi kaluargana karaenga a'limbang kammayatompa nagaukammi ke'nanga sikontu apa napassuroanga karaenga mae ri ke'nanga. Ri wattunna ero' karaenga a'limbang ri binangaya, su'ju'mi Simei ri dallekanna siagang nakana,

2 SAMUEL 19:19

“Kupalaki ri katte karaeng sollanna tena nakicini' tuli salana anne atanta. Poro kikaluppai lalomi apa le'baka nagaukang atanta ri allo kibokoina Yerusalem karaeng.

2 SAMUEL 5:19

Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”

2 SAMUEL 5:23

Sikalipi pole Daud appala' pangngunju' ri Batara. Appialimi Batara angkana, “Teako bunduki ke'nanga battu anrinni, mingka a'jappako a'dete' siagang bundukimi ke'nanga battu ri boko, battu ri poko'-poko' kayu murbei.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 SAMUEL 22:16

Mingka nakanamo karaenga, “Ahimelekh! Ikau siagang sikontu sari'battannu yareka bijannu musti mateko.”

1 SAMUEL 25:36

Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.