1 SAMUEL 21:7 - KITTA' MATANGKASA'

⁷ Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)

1 SAMUEL 21:7 ပူးပေါင်းရင်းမြစ်များ

PA'JARIANG 26:20

Mingka a'besere'mi sikamma pakalawaki niaka ri Gerar siagang sikamma pakalawakina Ishak. Nakana ke'nanga, “Anne je'neka ikambe pata.” Iaminjo saba'na nanaaremmo Ishak anjo bungunga “Pa'beserang”.

2 PATTOTTORANG 26:10

Kammayatompa ambangungi menara-menara niaka pattahanganna ri daera paranga, siagang angngekei jai bungung, baji' ri tampa' tinggia kammayatompa ri tampa' rawaya ri bageang ilau'. Lanri naparhatikanna jama-jamang pamarria, jaimi tau napajama untu' appare' koko-koko anggoro' ri daera monconga, siagang najama buttaya ri daera-daera copponga.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

KAIMANGNGANG 22:10

Anjo passare nisa'laka untu' iNakke imangaji bawang siagang kaluargana akkulle angkanrei; tau maraenga takkulleai, manna pole nasiballa' anjo imanga yareka manna pole natungnganre gajina imanga.

KAIMANGNGANG 22:13

Mingka ana' bainena imanga ia a'jari jandayamo yareka le'bakamo nisa'la' natena ana'na nampa ammotere' mange ri balla'na manggena kammayatompa a'jari tanggonganna manggena, akkullei nakanre bageanna manggena. Kaluarganaji bawang imanga akkulle angkanrei anjo passarea.

KAIMANGNGANG 24:5

Angngalleko sampulo anrua kilo labu' kaminang baji' nampa apparekko sampulo anrua roti a'bo'dong, massing tasse'rei kilo labu' lalanna sibatua.

KAIMANGNGANG 24:8

Ri tunggala' allo Pammari-marianga musti nia' roti nipatala lalang ri KemaNa Batara. Iaminjo kawajibanna bansa Israel sa'genna satunggu-tungguna.

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

MATIUS 15:8

‘Kammaminne kananNa Allata'ala: Napakala'birikKa' anne taua mingka poro ri bawanaji bawang naia atinna sanna' bellana ri Nakke.

1 SAMUEL 11:5

Anjo wattua silalonna Saul battu ri kokonna na naerang sapinna. Akkuta'nammi angkana, “Apa le'ba' kajariang? Angngapa nangngarru' ngaseng taua?” Jari nipauammi anjo kabara' naeranga anjo tunisuroa battu ri Yabesh.

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.

1 SAMUEL 21:8

Nampa akkuta'nammo Daud ri Ahimelekh angkana, “Maka nia' poke yareka pa'dang kiboli', akkullea kupake bapa'? Parentana karaenga battu silalonna dudui, sa'genna a'lampa karo-karo dudua', natenamo kusawe angngalle pa'dang yareka sanjata maraengannaya.”

1 SAMUEL 22:10

Appalaki pitunju' Ahimelekh mae ri Batara ri passala'na apa mustia lanagaukang Daud. Pantaranganna anjo napibokongi tommi Daud kanre, siagang nasareangi pa'danna Goliat, anjo tu Filistin.”

1 SAMUEL 22:22

Jari nakanamo Daud mae ri ia, “Ri wattunna kucini' Doëg nia' anjoreng anjo alloa, kuassemmi angkanaya musti a'jammaki ri Saul. Jari inakkemi tanggong jawa' mae ri kamateanna anjo sikontu bijannu.

1 SAMUEL 22:9

Doëg, kapala pakalawakinna Saul, nia' tongi anjo wattua anjoreng siagang sikamma perwira tantarana Saul. Nakanamo Doëg, “Le'baki nacini' atanta battu Daud mange ri Ahimelekh ana'na Ahitub ri Nob.