1 SAMUEL 21:5 - KITTA' MATANGKASA'

⁵ Appialimi Daud angkana, “Tantu tena nagaukangi ke'nanga. Salamanya punna tugasaki ikambe, tuli najagai ana' buaku sollanna tuli tangkasa' kalenna situru' atorang agamaya, nampa anjo kammaya tugasa' biasaji bawang. La'biangampa pole punna tugasa' attantu kammaya anne!”

1 SAMUEL 21:5 ပူးပေါင်းရင်းမြစ်များ

KALAPPASSANG 19:14

Nampa naummo Musa battu ri monconga, na nasuro ngaseng anjo taua sadia-sadia untu' anggaukangi ibadaya. Nakana, “Ammembara' musti sadia ngasengko, siagang kamma-kamma anne takkulleako assikatinroang.” Jari appakkaramulami anjo bansaya sadia-sadia siagang massing nasassami pakeanna ke'nanga.

KALAPPASSANG 25:30

Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

KAIMANGNGANG 24:9

Anjo rotia iami untu' bageanna Harun siagang jari-jarina. Musti nakanrei ke'nanga ri tampa' matangkasaka, nasaba' anjo rotia iamintu bageang sannaka tangkasa'na battu ri koro'bang nipassareanga mae ri Batara untu' sikamma imanga.

KAIMANGNGANG 8:26

Battu ri baku' pammantangang roti tenaya nammake pa'gambang ia le'bakamo nipassareang mae ri Batara, angngallei Musa sibatu roti kapala' nipareka nipasileo' minynya' siagang sibatu roti nipisika. Anjo rotia napadongkoki irate ri anjo jannana siagang bongga kananna gimbalaka.

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

1 PETRUS 3:17

Bajikangangi sessaya lanri a'gau' baji' – punna Nakaerokang Allata'ala – naia sessaya lanri a'gau' ja'dalaka.