1 SAMUEL 20:8 - KITTA' MATANGKASA'

⁸ Appala' tulunga' ri kau, nasaba' le'ba' maki' assijanji ri dallekanNa Batara. Mingka punna nia' salangku, bunoma', mingka teako passareangia' mae ri manggenu.”

1 SAMUEL 20:8 ပူးပေါင်းရင်းမြစ်များ

PA'JARIANG 24:49

Kamma-kamma anne, punna ero' ngaseng jaki' anggaukangi bajika mae ri karaengku siagang anggaukangi apa siratanga mae ri ia kamma sari'battang, tulunga' nakipauanga'. Mingka punna tena, kipauang tomma', sollanna kuasseng angkana apa musti kugaukang.”

PA'JARIANG 47:29

Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.

2 SAMUEL 14:32

Appialimi Absalom angkana, “Lanri tenana nuero' battu ri wattunnu kukio'. Erokka' assuroko mange andallekang ri karaenga siagang ampabattui anne pakkuta'nangku, ‘Apa matu-matunna kubokoi Gesur siagang ammotere' mae anrinni? Bajikangngang anjoremma' ammantang.’ ” Siagang nakana pole Absalom, “Usahakangi sollangku akkulle andallekang ri karaenga, siagang punna nicini' tau sala ija', sadiama' lanihukkung mate.”

1 PATTOTTORANG 12:17

Nibuntulimi ke'nanga ri Daud na nakana, “Punna battuko mae salaku agang untu' ambantua', a'gabung mako siagang inakke. Rannui pa'maikku antarima ngasengko. Mingka punna ero' ngasengko ambalianga' untu' musungku, manna tena kasalangku mae ri kau ngaseng, Allata'ala nasombaya boe-boeta angngassengi, Iami langhukkung ngasengko.”

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

PANGNGEBARANG 3:3

Paralluko tuli tappa' siagang tamamminraya mae ri Allata'ala siagang mae ri parannu tau. U'rangi anjo kammaya siagang boliki ri pa'mai'nu,

LAMPA-LAMPANA 25:11

Punna nia' atorang le'ba' kudakkai siagang nia' panggaukang sala le'ba' kugaukang, nakusiratang nihukkung mate, lakurellakangi kalengku nihukkung mate. Mingka punna tannabaya tuduhanna ke'nanga, tena manna sitau akkulle ampassareangi kalengku mae ri ke'nanga. Kupalaki nakuniadeli ri pangadelanna Karaenga ri Roma!”

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

RUT 1:8

nakanamo Naomi mae ri anjo ruaya ana' mintunna, “Bajikangang ammotere' mako massing mange ri amma'nu. Poro mabaji' lalo Batara mae ri kau, sangkamma antekamma baji'nu mae ri nakke siagang ri anjo mae ke'nanga ammoterangamo.

1 SAMUEL 18:1

Le'baki Saul siagang Daud a'bica'-bicara, niangka'mi Daud ri Saul a'jari pagawena. Nappakkaramula anjo alloa tenamo nipa'biangi ammotere' mange ri balla'na tau toana. Yonatan, ana'na Saul, nalangngereki anjo pambicaranga. Sanna' todong ngangaina anjo Daud, siagang nakamaseangi sangkamma batangkalenna.

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

1 SAMUEL 20:16

teako tappuki anjo parjanjianta sipa'rua. Punna nutappuki, Batara langhukkungko.”

1 SAMUEL 20:9

Appialimi Yonatan angkana, “Teako batai! Punna kuasseng angkana ma'nassa ero' tojengi manggeku ancilakaiko, tantu lakupauangko.”

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.