1 SAMUEL 20:41 - KITTA' MATANGKASA'

⁴¹ A'lampanamo anjo anaka, assulu'mi Daud battu ri bokona anjo pa'gompoang batua, nampa su'ju' pintallung. Baji' ia kammayatompa Yonatan para angngarru'mi ke'nanga ri wattunna massing assibau. La'bi lompoangangi si'nana Daud na Yonatan.

1 SAMUEL 20:41 ပူးပေါင်းရင်းမြစ်များ

PA'JARIANG 29:11

Nampa nabau anjo Rahel, nangngarru' napakamma rannu;

PA'JARIANG 29:13

Nalangngere'na Laban anjo kabara'na Yakub kamanakanna, larimi ero' mange ambuntuli. Naraka'mi Laban anjo Yakub siagang nabaumi nampa naerang antama' ri balla'. Le'ba'na nacarita ngaseng Yakub sikamma passalaka ri batangkalenna mae ri Laban,

PA'JARIANG 33:4

Mingka larimi Esau anruppai Yakub, nampa naraka' siagang nabau. Nampa sikarrukimo anjo tau ruaya.

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 43:28

Appialimi ke'nanga angkana, “Anjo atanta, manggena ikambe, baji'-baji'ji.” Nampa su'ju' ke'nanga ri ia.

PA'JARIANG 45:15

Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

2 SAMUEL 14:4

Jari a'lampami anjo bainea andallekang ri karaenga, nampa su'ju' anynyomba siagang angkana, “O karaeng mala'birikku, kitulungi atanta!”

2 SAMUEL 19:39

Nampa a'limbammo Daud siagang sikontu ana' buana ri Binanga Yordan. Nampa nabau Daud anjo lapung Barzilai siagang appala' kana mae ri ia. Le'baki anjo ammotere'mi Barzilai mange ri balla'na.

2 SAMUEL 9:6

Anjo ana' bura'nena Yonatan niarengi Mefiboset. Ri wattunna battu, su'ju'mi ampakalompoi Daud. Nipattaumi ri Daud angkana, “Mefiboset”. Nappialimo angkana, “Iye' karaeng.”

1 KARAENG-KARAENG 1:16

Su'ju'mi Batsyeba ri dallekanna karaenga. Nampa akkuta'nammo karaenga angkana, “Apa nueroki?”

1 KARAENG-KARAENG 1:23

Nampa nipauammi karaenga angkanaya niaki Na'bi Natan. Assulu'mi Batsyeba, nampa antama' Na'bi Natan, siagang su'ju' ri dallekanna karaenga.

1 KARAENG-KARAENG 1:31

Su'ju'mi Batsyeba siagang nakana, “Mattallasakki' karaeng untu' satunggu-tungguna!”

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

1 SAMUEL 20:40

Nampa napassareang Yonatan anjo panaya siagang pakkakasa'na mae ri anjo anaka, na nasuro ammotere' mange ri kotaya.

1 SAMUEL 24:9

Assailemi Saul mae ri boko. Su'ju'mi Daud ampakala'biriki Saul na nakana, “Angngapa nakipilangngeri kananna taua angkana erokka' ancilakaiki' Karaeng?

1 SAMUEL 25:23

Nacini'na Abigail anjo Daud, akkaro-karomi naung battu ri keledaina nampa su'ju'