1 SAMUEL 20:32 - KITTA' MATANGKASA'

³² Jari appialimi Yonatan angkana, “Angngapa namusti nibuno? Apa dosana?”

1 SAMUEL 20:32 ပူးပေါင်းရင်းမြစ်များ

PA'JARIANG 31:36

Jari larromi Yakub, nanakana, “Kaja'dallang apa le'ba' kugaukang? Apa salangku sa'gengku kiondang kamma' anne purina?

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.

KATO'BA 7:9

Teako linta' dudu larro; tau toloaji bawang ammoli' larro.

KATO'BA 9:3

Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

MATIUS 27:23

Akkuta'nammi Pilatus nakana, “Mingka apa kaja'dallanNa?” Pila' akkio' lompomi pole ke'nanga angkana, “Allei Salli'!”

LUKAS 23:22

Akkio'mi pole Pilatus makapintallunna mae ri ke'nanga angkana, “Mingka apa kasalanna? Tena sikali manna sirupa kasalanna kugappa ampassiratangi nihukkung mate! Lakucambo'mi bawang nampa kulappassang.”

YOHANES 7:51

“Manuru' undang-undanga, takkulleai nihukkung se'rea tau punna tenapa nilangngereki kara-karana siagang punna tenapa nale'ba' niparessa panggaukanna.”

1 SAMUEL 18:11

Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 19:4

Nampa nabicaramo Yonatan kabajikanna Daud mae ri Saul, angkana, “Bapa', teaki panraki anjo atanta Daud. Nasaba' tena apa-apa kasalang le'ba' nagaukang mae ri katte. Ba'lalo jai sikalimi jasana mae ri katte.

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 20:7

Punna nakana karaenga, ‘Baji'mi,’ laamammi kusa'ring. Mingka punna larroi, assemmi angkanaya le'ba'mi napattantu ma'nassa erokka' nacilakai.

1 SAMUEL 22:14

Appialimi Ahimelekh angkana, “Mingka teaika Daud perwira tantarata kaminang tenaya pamminrana? Ia mintu kalenta, kapala pangawala' kalenta, siagang sannaka nipakalompona lalang ri balla' kakaraenganta?