1 SAMUEL 20:30 - KITTA' MATANGKASA'

³⁰ Nalangngere'na anjo a'jari larro sikalimi Saul mae ri Yonatan siagang nakana, “Ana' harang lompo! Kamma-kamma anne kuassemmi angkanaya nualleangangi Daud na nupakasiri' kalennu siagang amma'nu!

1 SAMUEL 20:30 ပူးပေါင်းရင်းမြစ်များ

AYUB 5:2

Tau toloaji bawang matea lanri pa'risi' nyawana.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

PANGNGEBARANG 27:3

Anjo batua siagang kassika ringang iji, punna nipasanrapang pa'risi' pa'maika napakamma tau toloa.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

1 SAMUEL 20:29

Nakana, ‘Kisarea' ising a'lampa, nasaba' kaluargaku nagaukangi passua'-suarrang koro'banga ri Betlehem, nampa nakellaia' daengku battu. Lanri kammana, punna kikellaija', lappassamma' a'lampa untu' assibuntulu' siagang sikamma sari'battangku siagang bijangku.’ Iaminjo saba'na natena hadere' ri anne parjamuanga, Bapa'.”

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”