1 SAMUEL 20:3 - KITTA' MATANGKASA'

³ Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Mingka appialimi Itai angkana, “O karaeng mala'birikku, lanri arenNa Batara siagang lanri nyawana karaengku, manna pole kemae lampata, tuli lamminawanna todong atanta, manna pole nalandallekang kamateang.”

2 KARAENG-KARAENG 2:2

nampa ri tangngana aganga nakanamo Elia mae ri Elisa, “Ammantangko anrinni. Nasuroa' Batara a'lampa mange ri Betel.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana sa'genna mange ri Betel.

2 KARAENG-KARAENG 2:4

Nampa nakanamo Elia ri Elisa, “Ammantang mako anrinni, Nasuroa' Batara a'lampa mange ri Yerikho.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana mange ri Yerikho.

2 KARAENG-KARAENG 2:6

Nampa nakanamo Elia ri Elisa, “Ammantang mako anrinni. Nasuroa' Batara a'lampa mange ri Binanga Yordan.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana mange ri Binanga Yordan,

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

YEREMIA 38:16

A'janji cokko-cokkomi Karaeng Zedekia ri nakke, nakana, “Lanri arenNa Allata'ala mattallasaka, iamintu Allata'ala assareaki' tallasa', assumpa' angkanaya tena nalaKubunoko yareka tena naKupassareangko mae ri tau eroka ambunoko.”

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

PAOLE 28:66

Latuli nireppesi ri bahaya katallassannu. Allo bangngiko lannekkere' siagang malla' mate.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

IBRANI 6:16

Punna nia' tau assumpa, areng tumaraeng la'bi tinggianganga napau, sa'genna akkullemo napa'le'ba' pa'geakkanna ri passabakkang anjo sumpaya.

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.

1 SAMUEL 17:55

Nacini'na Saul a'lampa Daud mange angngewai Goliat, akkuta'nammi ri Abner panglima tantarana angkana, “Abner, inai ana' anjo?” Appialimi Abner angkana, “Tanaassengai atanta karaeng.”

1 SAMUEL 20:2

Appialimi Yonatan angkana, “Teako akkana kammai! Lanri Batara, tena nulanibuno. Sikontu apa eroka nagaukang manggeku baji' naparallu yareka tena naparallu, tuli napauanga'. Jari tena olona nacokkoanga' apa eroka nagaukang mae ri kau. Lanri kammana anjo, tena natojeng anjo nupaua!”

1 SAMUEL 20:4

Nampa nakanamo Yonatan, “Manna apa nupala' lakugaukangi.”

1 SAMUEL 25:26

Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”