1 SAMUEL 20:27 - KITTA' MATANGKASA'

²⁷ Ammukona, iamintu ri allo makaruana Bulang Berua, tuli kosongiji pammempoanna Daud. Jari akkuta'nammi Saul ri Yonatan angkana, “Angngapa natena nahadere' Daud subangngi siagang anne alloa ri parjamuanga?”

1 SAMUEL 20:27 ပူးပေါင်းရင်းမြစ်များ

MATIUS 13:55

Sai ana'na tukang kayua anne Taua? Sai niarengi Maria amma'Na, siagang assari'battangi Yakobus, Yusuf, Simon na Yudas?

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

1 SAMUEL 18:11

Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 19:15

Mingka Saul nasuromi ke'nanga a'lampa pole mange anjoreng untu' anciniki Daud siagang mata kalenna ke'nanga. Naparentakangi angkana, “Erangi mae anrinni siagang katinroanna, nampa kubuno.”

1 SAMUEL 20:26

Mingka anjo alloa tena nasero kanai Saul anjo passalaka, nasaba' napikkiriki angkana, “Gassingka nia' tamangngapa-apana sa'genna tena natangkasa' kalenna situru' atorang agamaya.”

1 SAMUEL 20:28

Appialimi Yonatan angkana, “Le'baki appala' ising ri nakke untu' a'lampa mange ri Betlehem.

1 SAMUEL 20:5

Appialimi Daud, angkana, “Kamma anne. Ammuko allo Passua'-suarrang Bulang Beru, nampa mustina sipangnganreanga' siagang karaenga. Mingka punna situjuko, la'lampa' mange accokko ri paranga sa'genna ammembara' ri bangngia.

1 SAMUEL 25:10

Mingka appialimi Nabal angkana, “Daud? Inai tau anjo? Inai anjo ana'na Isai? Tale'bakapa' allangngereki kabara'na! Anne allo-allo beru allaloa, jai ata lari ambokoi pinggawana ri anne pa'rasanganga!