1 SAMUEL 20:21 - KITTA' MATANGKASA'

²¹ Nampa lakusuro atangku mange anrappungi anjo sikamma panaya. Na punna kukana ri ia, ‘E, anjo panaya la'bi ambani mae anrinni; allei,’ batuanna akkulleko assulu' nasaba' amangi. Assumpa' lanri Batara attallasaka, angkanaya ma'nassa tena sikali bahaya lantujuko.

1 SAMUEL 20:21 ပူးပေါင်းရင်းမြစ်များ

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

1 SAMUEL 20:20

Ammembara' nia' tallu ana' pana lakulappasa' mange anjoreng, sanrapang angkanaya nia' lakupitujui kupana.

1 SAMUEL 20:22

Mingka punna kukana ri atangku, ‘E, la'bi bellai anjo panaya mange anjoreng,’ battuanna Nasuroko Batara a'lampa; jari a'lampako.

1 SAMUEL 20:36

nampa nakana ri ia, “A'lampako mange anrappungi ana' pana lakupapanaya.” Ri wattunna lari anjo anaka, ammanami Yonatan, na napilalloi anjo anaka.