1 SAMUEL 20:12 - KITTA' MATANGKASA'

¹² Nampa nakana Yonatan ri Daud, “Tapporo Batara, Allata'alana Israel a'jari sa'bi mae ri katte! Ammuko bari'basa' yareka ammembara', ri wattu kamma-kammaya anne, lakuusahakangi angngassengi bone atinna manggeku. Punna bajiki mae ri kau, lakkiringa' kabara' mae ri kau.

1 SAMUEL 20:12 ပူးပေါင်းရင်းမြစ်များ

2 SAMUEL 21:7

Mingka lanri anjo Daud siagang Yonatan le'ba'mi massing assumpa, tena napassareangi Daud Mefiboset ana'naya Yonatan.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PANGNGEBARANG 20:5

Bone atinna taua sanrapangi bungung lantang; mingka akkullei nise'ro' ri tau niaka pammahanna.

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

1 SAMUEL 20:11

Nakanamo Yonatan, “Umba ki'lampa mange ri paranga.” Jari a'lampami ke'nanga siagang mange ri paranga.

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.