1 SAMUEL 2:36 - KITTA' MATANGKASA'

³⁶ Massing-massing turungannu attallasaka ija, lamangei ri anjo imanga untu' appala' doe' siagang kanre. Lanapalaki angkana: Kipa'bianga' ambantui sikamma imanga, sollanna kukkulle anggappa kanre manna nasisoanja.”

1 SAMUEL 2:36 ပူးပေါင်းရင်းမြစ်များ

1 KARAENG-KARAENG 2:27

Nampa nasuromo Salomo ammari a'jari imang anjo Abyatar. Lanri nagaukanna Salomo anjo kammaya, a'buttimi apa le'baka Napau Batara ri Silo ri passala'na turunganna Imang Eli.

PANGNGEBARANG 14:19

Tau ja'dalaka latunduki mae ri tau lambusu' pa'maika, untu' appala' sollanna nikamaseang.

MALEAKHI 1:13

Nukana ngaseng, ‘Lanremaki' mae ri sikammaya ngaseng anjo’, nampa nubawang-bawangngangA'. Angngerangko olo'-olo' nilukka', olo'-olo' pesoka yareka garringa untu' nupassareang mae ri Nakke. Nupikkiriki angkana erokKa' antarimai anjo passare kammaya?

HAKING-HAKING 17:10

Nakanamo Mikha, “Ammantammako siagang inakke anrinni sollannu a'jari imang siagang assare pappakainga' mae ri kambe. Kusarepako sampulo doe' pera' sitaung kammayatompa care-care siagang kanre”.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.

1 SAMUEL 3:1

Lalang kammana anjo, anjo Samuel, ana'-anaka ija, allayani ri Batara nipimping ri Eli. Anjo wattua langkara' sikali nania' pappasang siagang paccini' battu ri Batara.