1 SAMUEL 2:33 - KITTA' MATANGKASA'

³³ Mingka sitau battu ri turungannu, laKulappassangi attallasa' na nalayaniA' salaku imang. Mingka la'jari butai, na tappu' panrannuang lalang tallasa'na. Sikontu turungannu maraenganga laKubuno ngasengi.

1 SAMUEL 2:33 ပူးပေါင်းရင်းမြစ်များ

1 KARAENG-KARAENG 1:19

Le'ba'mi assare jai koro'bang gimbala', sapi laki, siagang ana' sapi co'mo'-co'moka. Le'ba' tommi naundang mae ri passua'-suarranga ana'-ana' bura'neta siagang Imang Abyatar, kammayatompa Yoab, panglima tantarata. Mingka, tena naundangi Salomo.

1 KARAENG-KARAENG 1:7

A'lampami sipa'bicara siagang Yoab siagang Imang Abyatar. Amma'na Yoab niarengi Zeruya. Yoab siagang Imang Abyatar situjui untu' ambantui usahana Adonia.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

1 SAMUEL 2:32

Lasi'nako siagang langngiri matako anciniki sikontu barakka' laKupassareanga mae tu maraenga ri Israel, na lalang ri kaluarganu lamate rungka ngasengi.

1 SAMUEL 2:34

Na la'jaria pammatei angkanaya ma'nassa lakajariang tojengi yangasenna anjo Kupaua, anjo ruaya ana'nu, iamintu Hofni siagang Pinehas lamatei lalang siallo.

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.