1 SAMUEL 2:31 - KITTA' MATANGKASA'

³¹ Pilangngeri angkanaya, lania' sallang wattunna naKubuno sikontu tau rungkaya lalang kaluarganu siagang bija-bijannu, sa'genna tena manna sitau bura'ne lalang ri kaluarganu lala'bu umuru'na.

1 SAMUEL 2:31 ပူးပေါင်းရင်းမြစ်များ

1 KARAENG-KARAENG 2:35

Nampa niangka'mo Benaya ri karaenga a'jari panglimana tantaraya ansambeangi Yoab, na Zadok niangka' a'jari imang ansambeangi Abyatar.

AYUB 22:9

Teai poro tenana bawang nutulungi sikamma jandaya, mingka ana' kukanga nujallakkang tongi.

PAMMUJI 37:17

Saba' lanitepoki koasana tu ja'dalaka ri Batara, mingka tu bajika laNajagai.

YEHEZKIEL 44:10

Nakana Batara ri nakke, “LaKuhukkungi tu Lewi siagang tu Israel maraengannaya, lanri nabokoiA' siagang anynyombai ri barhala.

1 SAMUEL 14:3

(Imang angngeranga Efod iamintu Ahiya ana'na Ahitub, iamintu sari'battanna Ikabod ana'na Pinehas, siagang Pinehas ana'na Eli, imanNa Batara ri Silo.) Tena todong naassengi ra'yaka angkanaya a'lampami Yonatan battu anjoreng.

1 SAMUEL 3:12

Anjo wattua laKugaukammi sikontu apa le'baka Kupau laKugaukang mae ri kaluargana Eli battu ri uru-urua sa'genna kala'busang.

1 SAMUEL 4:2

Appakkaramulami tantara Filistin a'bakka. Na wattu sallonamo heba' bunduka, kale'bakkanna nibetami tantarana tu Israel, nia' kira-kira patassa'bu tau mate ri tampa' pa'bundukanga.