1 SAMUEL 2:24 - KITTA' MATANGKASA'

²⁴ Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.

1 SAMUEL 2:24 ပူးပေါင်းရင်းမြစ်များ

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

MATIUS 18:7

Teai sipato' cilakana anne linoa lanri jaina passabakkang na'jari doraka rupataua. Mingka memang tuli lania'na anjo passabakkang kammaya. Mingka la'biangampa cilakana tau a'jari passabakkanga nadoraka paranna tau!

LAMPA-LAMPANA 6:3

Jari, bajiki punna nupileimo battu ri kau ngaseng tuju tau baji' ampea siagang nikoasaia ri RohNa Allata'ala, akkullea nisare jama-jamang, langngatoroki anne passala' apa-apa lanikanrea;

2 KORINTUS 6:8

Nipakala'birikki' mingka nihina tongki'; nipujiki' mingka nipa'boyang tongki' kodi. Manna kilambusu' pa'mai', nipakkanai tonjaki' paballe-balle.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

3 YOHANES 1:12

Sikontu taua napuji Demetrius. Ba'lalo Allata'ala pole Napuji tongi. Ikambe pole ampuji tongi, siagang nuasseng ngasemmi angkanaya annabai anne apa napabattua ikambe.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.

1 SAMUEL 2:17

Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.

1 SAMUEL 2:22

Eli sanna' dudumi toana. Tena ammarina allangngere' tau a'jamma' battu ri panggaukanna ana'-ana'na mae ri tu Israel. Naasseng tongi Eli angkanaya anjo ana'-ana'na sikatinroangi siagang sikamma bai'-baine tugasaka ri dallekanna pakke'bu' Kema KahaderanNa Batara.

1 SAMUEL 2:23

Lanri kammana anjo nakanamo ri ana'-ana'na, “Kutarimami laporanga battu ri sikontu ummaka ri passala'na panggaukang ja'dala'nu ngaseng. Angngapa nanupanggaukang kamma anjo?