1 SAMUEL 19:4 - KITTA' MATANGKASA'

⁴ Nampa nabicaramo Yonatan kabajikanna Daud mae ri Saul, angkana, “Bapa', teaki panraki anjo atanta Daud. Nasaba' tena apa-apa kasalang le'ba' nagaukang mae ri katte. Ba'lalo jai sikalimi jasana mae ri katte.

1 SAMUEL 19:4 ပူးပေါင်းရင်းမြစ်များ

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

2 PATTOTTORANG 6:22

Punna nia' se'reang tau nikapang sala mae ri paranna tau siagang nierang mange ri tampa' pakkoro'bangnganTa lalang ri anne BallatTa untu' assumpa angkanaya tena nasala,

PAMMUJI 35:12

KabajikanTa nabalasaki kaja'dallang; tallanga' lalang ri tappu' minasaku.

PAMMUJI 59:4

Ciniki, naadanga' ke'nanga ero' ambunoa', asse'rei tau pallaka ambalianga'; nateai passabakkang le'ba'na kugaukang dosaya yareka passabakkang nia'na kudakkai, o, Batara.

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

1 KORINTUS 8:12

Na punna nugaukang kasalang kammaya anjo mae ri parannu tu Karisteng – iamintu tu Karisteng lammaya tappa'na – doraka mako mae ri Almasi.

1 YOHANES 3:15

Inai-nai angkabirisi paranna tau iami pabuno tau; na nuassemmo angkanaya anjo tau kammaya takkulleai nagappa katallassang sitojennaya siagang mannannunganga.

1 SAMUEL 2:25

Punna kasalang taua mae ri rupataua, akkullei nialleang ri Allata'ala. Mingka punna doraka taua mae ri Batara, inai akkulle antulungi?” Mingka tajampangiai ke'nanga anjo pappakainga'na Eli, manggena ke'nanga, nasaba' le'ba'mi Napattantu Batara untu' ambunoi ke'nanga.

1 SAMUEL 20:32

Jari appialimi Yonatan angkana, “Angngapa namusti nibuno? Apa dosana?”

1 SAMUEL 22:14

Appialimi Ahimelekh angkana, “Mingka teaika Daud perwira tantarata kaminang tenaya pamminrana? Ia mintu kalenta, kapala pangawala' kalenta, siagang sannaka nipakalompona lalang ri balla' kakaraenganta?