1 SAMUEL 19:20 - KITTA' MATANGKASA'

²⁰ Lanri kammana anjo, akkirimmi Saul siapa are tau untu' a'lampa anjakkalaki Daud. Mingka narapikammi ke'nanga sipa'rappungang na'bi sitabang a'joge'-joge' siagang akkiok-kio', nipimping ri Samuel. Nampa nikoasaimo ri RohNa Allata'ala anjo sikamma tunisuroa ri Saul, sa'genna appakkaramulamo ke'nanga amminawang todong a'joge'-joge' siagang akkiok-kio'.

1 SAMUEL 19:20 ပူးပေါင်းရင်းမြစ်များ

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

PAMMILANGNGANG 24:2

na nacini' bansa Israel sitabang akkema a'gompo-gompo situru' massing suku-suku bansana. Nampa nikoasaimo Bileam ri RohNa Allata'ala,

YOHANES 7:32

Nalangngere'mi tu Farisia antekamma batena a'bici'-bici' anjo tau jaia ri passala'na Isa. Lanri kammana assama turu'mi ke'nanga siagang imang-imang kapalaya. Assama turu'mi ke'nanga assuroi pangawala'na Balla'Na Batara anjakkalaki Isa.

1 KORINTUS 14:3

Kabalekkanna, inai-nai ampabattui biritta battua ri Allata'ala, rupataua napabattuang anjo birittaya; iamintu sollanna napakajarre' taua, nasarei sumanga', kammayatompa nasaleori ke'nanga.

1 SAMUEL 10:10

Ri wattunna battu Saul siagang palayanna mange ri Gibea, assibuntulu'mi ke'nanga siagang sipa'rappungang na'bi. Anjo memang wattua nikoasaimi Saul ri RohNa Allata'ala, namminawang tommo a'joge' siagang akkiok-kio' siagang ngaseng anjo na'bi-na'bia.

1 SAMUEL 19:11

Anjo memang bangngia nasuromi Saul siapa are tau mange angngodoki Daud ri balla'na siagang ambunoi punna bari'basamo. Mingka nakanamo Mikhal bainenna ri ia, “Punna tena nulari anne bangngia, ammuko bari'basa' tena tanibunonu.”

1 SAMUEL 19:14

Ri wattunna battu ngaseng surona Saul untu' anjakkalaki Daud, nakanamo Mikhal, “Garringi Daud.”

1 SAMUEL 19:19

Mingka nia'mo ampauangi Saul angkana niaki Daud ri Nayot ri ampi'na Rama.

1 SAMUEL 19:21

Ri wattunna battu anjo kabaraka mange ri Saul, akkirimmi tau maraeng. Mingka amminawang tommi anjo ke'nanga a'joge'-joge' siagang akkiok-kio'. Makapintallunna akkirimmi pole Saul, mingka kamma tomminjo kajariang mae ri ke'nanga.