1 SAMUEL 19:18 - KITTA' MATANGKASA'

¹⁸ Lappasa'namo Daud, a'lampami mange ri balla'na Samuel ri Rama, nampa napauang ngaseng anjo apa nagaukanga Saul mae ri kalenna. Nampa a'lampami Daud siagang Samuel mange ri Nayot nammantang anjoreng.

1 SAMUEL 19:18 ပူးပေါင်းရင်းမြစ်များ

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 19:19

Mingka nia'mo ampauangi Saul angkana niaki Daud ri Nayot ri ampi'na Rama.

1 SAMUEL 19:22

Lanri kammana anjo, a'lampami kalenna Saul mange ri Rama. Anrapi'na ri bungung lompoa ri Sekhu, akkuta'nammi angkanaya kemaei Samuel siagang Daud. Na nipauammo ri taua anjoreng angkanaya niaki ke'nanga ri Nayot.

1 SAMUEL 19:23

Jari tulusu'mi mange anjoreng, mingka nikoasai tommi ri RohNa Allata'ala, sa'genna a'joge'-joge' siagang akkiok-kio'mi ri aganga sa'genna mange ri Nayot.

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 21:11

Nipauammi Akhis ri sikamma pagawena angkana, “Teaika anne Daud, karaenga ri pa'rasanganna? Siagang teaika untu' iami na'joge'-joge' sikamma bai'-bainea siagang akkelong angkana, ‘Saul ammuno assa'bu-sa'bu musu, mingka Daud appulo-pulo sa'bui nabuno?’ ”

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.