1 SAMUEL 19:17 - KITTA' MATANGKASA'

¹⁷ Nakanamo Saul ri Mikhal, “Ero'na pa'mai'nu antipua' kamma anne! Nubantui musungku lari!” Appialimi Mikhal angkana, “Erokka' nabuno punna tena nakubantui sollanna akkulle lari.”

1 SAMUEL 19:17 ပူးပေါင်းရင်းမြစ်များ

2 SAMUEL 17:20

Sikamma tau nasuroa Absalom battui mange anjoreng ri ballaka nampa akkuta'nang ri anjo bainea sumpaeng angkana, “Kemae Ahimaas siagang Yonatan?” Appialimi angkana, “Silalonna ke'nanga a'limbang binanga.” Naboyami ke'nanga anjo ruaya tau rungka mingka tanagappayai ke'nanga, nampa ammotere' ke'nanga mange ri Yerusalem.

2 SAMUEL 2:22

Sikalipi pole angkana Abner ri ia, “Teako ondangia'! Gassingka tarpassa kubunoko. Kemaemi kuboli' tanjakku mae ri anjo daennu Yoab?”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?

1 SAMUEL 19:14

Ri wattunna battu ngaseng surona Saul untu' anjakkalaki Daud, nakanamo Mikhal, “Garringi Daud.”

1 SAMUEL 19:16

Antama'mi sikamma anjo tunisuroa ri kamara'. Nampa naassemmo ke'nanga angkanaya anjo ta'dongkoka ri katinroanga iamintu patung siagang pa'lungang bulu bembe ri tuju ulunna.

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.

1 SAMUEL 28:12

Ri wattunna nacini' anjo bainea Samuel, ammarrammi siagang nakanamo ri Saul, “Angngapa nakitipu atanta? Ikattemi padeng Karaeng Saul!”