1 SAMUEL 19:11 - KITTA' MATANGKASA'

¹¹ Anjo memang bangngia nasuromi Saul siapa are tau mange angngodoki Daud ri balla'na siagang ambunoi punna bari'basamo. Mingka nakanamo Mikhal bainenna ri ia, “Punna tena nulari anne bangngia, ammuko bari'basa' tena tanibunonu.”

1 SAMUEL 19:11 ပူးပေါင်းရင်းမြစ်များ

2 SAMUEL 3:13

Appialimi Daud angkana, “Baji'mi. Pabattui anne pasangku mae ri Abner angkanaya: Erokka' appare' parjanjiang siagang ikau, mingka nia' se're sara': Mikhal, ana' bainena Saul, musti nuerangi mae ri nakke punna battuko andallekang mae ri nakke.”

HAKING-HAKING 16:2

Nalangngere'mi kabara'na taua ri Gaza angkanaya niaki Simson anjoreng. Nakurummi ke'nanga anjo tampaka, nampa natayang sila'busu' bangngi ri pakke'bu' lompona kotaya. Mingka tena apa-apa nagaukang ke'nanga anjo bangngia lanri napikkiriki ke'nanga angkana, “Ammumbapi sallang alloa nampa nibuno.”

1 SAMUEL 19:20

Lanri kammana anjo, akkirimmi Saul siapa are tau untu' a'lampa anjakkalaki Daud. Mingka narapikammi ke'nanga sipa'rappungang na'bi sitabang a'joge'-joge' siagang akkiok-kio', nipimping ri Samuel. Nampa nikoasaimo ri RohNa Allata'ala anjo sikamma tunisuroa ri Saul, sa'genna appakkaramulamo ke'nanga amminawang todong a'joge'-joge' siagang akkiok-kio'.

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”