1 SAMUEL 19:10 - KITTA' MATANGKASA'

¹⁰ Nampa nausahakammo Saul ampatintingi pokena ri kalenna Daud ia niaka ri ampi'na rinringa. Mingka a'lili Daud, sa'genna tattinting anjo pokea ri rinringa. Larimi Daud untu' ampasalamaki kalenna.

1 SAMUEL 19:10 ပူးပေါင်းရင်းမြစ်များ

PAMMUJI 124:7

Sanrapangki' jangang-jangang lappasaka battu patannang sikkoka, tappu'mi anjo sikkoka, nakilappasa'mo!

PAMMUJI 18:17

Battu rate Napajonjo naung limanNa Batara; Nata'galakka' nampa Nabesokka' battu lalang ri je'ne' lantanga.

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 37:32

Tu bajika niodoki ri tu ja'dalaka a'boyai kasampatang untu' ambunoi.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

LUKAS 4:30

Mingka ammose'mi Isa ri alla'na tau jaia nampa a'lampa ampilari anjo tampaka.

YOHANES 10:39

Usahami pole ke'nanga ero' anjakkalaki Isa, mingka ta'lappasaki Isa battu ri ke'nanga.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

1 SAMUEL 18:11

Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 19:6

Sadara'mi Saul lanri kana-kananna Yonatan, nampa assumpamo lalang arenNa Batara angkanaya tena nalanabuno Daud.

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.