1 SAMUEL 18:8 - KITTA' MATANGKASA'

⁸ Nalangngere'na Saul anjo, a'jari sanna'mi larrona. Nasaba' napikkiriki angkanaya, “Daud nikanami le'ba' ammuno appulo-pulo sa'bu, nampa inakke poro assa'bu-sa'buji bawang. Tantu tenamo nasallo nanipa'jarimo karaeng ri ke'nanga!”

1 SAMUEL 18:8 ပူးပေါင်းရင်းမြစ်များ

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

1 KARAENG-KARAENG 2:22

Akkuta'nammi Salomo angkana, “Angngapa nakipala' anjo ri nakke amma'? Anjo sangkamma le'ba'ji angkanaya kipalaki sollanna kupassareang anne empoang kakaraenganga ri ia. Sai ia daengku? Nampa pole Imang Abyatar siagang Yoab ammenteng maei ke'nanga ri ia!”

ESTER 3:5

Teaimi sipato' larrona Haman ri wattunna naasseng angkana taerokai Mordekhai assu'ju' ri ia.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 22:34

Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

1 SAMUEL 13:14

Mingka kamma-kamma anne tenamo nalattahang pamarentahanta. Nasaba' tena nakituruki parentaNa Batara, laNapilemi Batara se're tumaraeng ia Nakaerokia untu' Naangka' a'jari karaeng mae ri umma'Na.”

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 18:9

Appakkaramula anjo alloa assereatimi ri Daud.

1 SAMUEL 19:1

Napaui Saul mae ri ana'na Yonatan, siagang sikontu pagawena angkana eroki nabuno Daud. Mingka Yonatan sanna' nasayanna Daud.

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”