1 SAMUEL 18:5 - KITTA' MATANGKASA'

⁵ Nagaukang baji'mi tugasa'na Daud, ia napassareanga Saul mae ri ia. Lanri kammana niangka'mi ri Saul a'jari perwira lalang ri tantarana. Na ningaimo Daud ri sikontu tantaraya siagang sikamma atanna Saul.

1 SAMUEL 18:5 ပူးပေါင်းရင်းမြစ်များ

PA'JARIANG 39:23

Anjo kapala balla' tarungkua tenamo najannangngi sikontu apa-apa napappirannuanga mae ri Yusuf lanri nitulungi Yusuf ri Batara sa'genna a'jari ngaseng sikontu jama-jamanna siagang baji'.

2 SAMUEL 5:10

Pila' sallo pila' kassa'mi Daud, lanri nitulungi ri Batara, Allata'ala Kaminang Koasaya.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 PATTOTTORANG 17:3

Nabarakkaki Batara anjo Yosafat lanri naturuki apa nagaukanga manggena; tena nanynyomba ri Baal,

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 101:2

Erokka' amparhatikangi cara tallasa'na tau tenaya callanna. Angngapapi naKibattu mae ri nakke? Erokka' attallasa' matangkasa' ri ballakku,

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

EFESUS 5:17

Teako dongoki, mingka pappilajari apa Nakaerokia Batara.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

1 SAMUEL 13:2

ammilemi 3.000 tu Israel. 2.000 ammantang siagang ia ri Mikhmas siagang ri daera pa'moncongang Betel, siagang 1.000 maraengannaya a'lampai siagang Yonatan ana'na bura'nea mange ri Gibea ri daera suku Benyamin. La'binnaya battu ri anjo ra'yaka, nasuromi ammotere' massing mae ri balla'na.

1 SAMUEL 14:52

Lalang attallasa'na tuli a'bundu' hebaki Saul angngewai tu Filistin. Lanri kammana, punna accini' Saul tu kassa' yareka tubarani, linta'mi naalle napa'jari anggota tantarana.

1 SAMUEL 18:16

Mingka sikontu Israel siagang Yehuda nasayang sikali anjo Daud lanri iami pamimping jai jasa-jasana.

1 SAMUEL 18:30

Punna battui tantara Filistin ambunduki Israel, tuli la'bi a'wasseleki Daud, antumpassangi ke'nanga, na ia perwira maraenganga. Jari pila' masahoro'mi Daud.

1 SAMUEL 18:4

Napassulu'mi jubana Yonatan nampa napassareang mae ri Daud, kammayatompa pakeang bundu'na, pa'danna, panana, siagang passikko' aya'na.

1 SAMUEL 18:6

Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.

1 SAMUEL 3:19

Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.