1 SAMUEL 18:25 - KITTA' MATANGKASA'

²⁵ Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)

1 SAMUEL 18:25 ပူးပေါင်းရင်းမြစ်များ

PA'JARIANG 29:18

Yakub tu'guru'mi pangngainna mae ri Rahel. Jari appialimi ri Laban angkana, “Erokka' anjama ri katte tuju taung sallona purina, punna kikellaia' a'bunting siagang Rahel.”

PA'JARIANG 34:12

Kipau mami hadia apa kikaeroki, siagang kitantukammi siapa bulaeng sunranna. Lakusareki' apa kipalaka, assala' kikellaija' a'bunting siagang anjo tuloloa.”

2 SAMUEL 3:14

Le'baki anjo akkiring tommi Daud tunisuro mange ri Isyboset, angngerang pasang angkana, “Kipoterangi Mikhal, bainengku, mae ri nakke. Kale'ba'mi kuballi sibilangngang bi'bi' ulunna tu Filistin.”

YOSUA 5:3

Jari nagaukammi Yosua anjo apa Naparentakanga Batara, na nasunna'mo tu Israel ri se'reang tampa' niarenga Bulu' Passunnakkang.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

1 SAMUEL 18:24

Napabattumi anjo sikamma pagawea mae ri Saul anjo pappialinna Daud.

1 SAMUEL 19:1

Napaui Saul mae ri ana'na Yonatan, siagang sikontu pagawena angkana eroki nabuno Daud. Mingka Yonatan sanna' nasayanna Daud.