1 SAMUEL 18:23 - KITTA' MATANGKASA'

²³ Mingka napabattuna ke'nanga anjo pikkiranga mae ri Daud, appialimi Daud angkana, “Nukana gampangi nikanaya a'jari mintunna karaenga? Sai inakke anne tu kasi-asia' siagang tau tena anggarangku!”

1 SAMUEL 18:23 ပူးပေါင်းရင်းမြစ်များ

PA'JARIANG 29:20

Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

PA'JARIANG 34:12

Kipau mami hadia apa kikaeroki, siagang kitantukammi siapa bulaeng sunranna. Lakusareki' apa kipalaka, assala' kikellaija' a'bunting siagang anjo tuloloa.”

PAMMUJI 119:141

Inakke anne ca'dia' siagang tuna dudua', mingka tena nakubalang parekang ajaranTa.

PANGNGEBARANG 14:20

Tau kasi-asia tena ningai ba'lalo ri bela-belana; mingka tau kalumanynyanga jai sahaba'na.

PANGNGEBARANG 29:5

Inai ampalecei paranna tau, attannangi sikko' untu' kalenna.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

1 SAMUEL 18:18

Appialimi Daud angkana, “Inai kutadeng anne atanta, siagang apa todong anggaranna kaluargana manggena atanta ri Israel, sa'genna akkulle anne atanta a'jari mintunta karaeng?”

1 SAMUEL 18:22

Nampa nasuromo sikamma pagawena sollanna napau cokko-cokko ri Daud angkana, “Nasayangko karaenga siagang sikamma pagawena. Jari iaminne wattu kaminang baji' nualle nubuntingi ana' tulolonna.”

1 SAMUEL 18:24

Napabattumi anjo sikamma pagawea mae ri Saul anjo pappialinna Daud.

1 SAMUEL 9:21

Appialimi Saul angkana, “Inakke anne tau battua' ri suku Benyamin, suku kaminang ca'dia ri Israel, kammayatompa pole kaluarga kaminang tenaya anggaranna lalang ri anjo sukua. Jari angngapa nakiakkana kamma anjo mae ri nakke?”