1 SAMUEL 18:18 - KITTA' MATANGKASA'

¹⁸ Appialimi Daud angkana, “Inai kutadeng anne atanta, siagang apa todong anggaranna kaluargana manggena atanta ri Israel, sa'genna akkulle anne atanta a'jari mintunta karaeng?”

1 SAMUEL 18:18 ပူးပေါင်းရင်းမြစ်များ

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

KALAPPASSANG 3:11

Mingka nakanamo Musa ri Allata'ala, “Inai tonga' anne inakke, sa'gengku akkulle andallekang ri karaenga siagang angngerangi bansa Israel assulu' battu ri Mesir?”

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

YEREMIA 1:6

Appialia' angkana, “O Batara Kaminang Tinggia, inakke tena kucara'de' a'bicara lanri rungka dudu ija'.”

RUT 2:10

Nalangngere'na Rut anjo, su'ju'mi ri dallekanna Boas nampa angkana, “Bapa', tena nakusiratang antarimai anjo kabajikang kammaya battu ri katte. Inakke anne tau battu-battua', siagang tena nakusiratang kiparhatikang kamma!”

1 SAMUEL 18:23

Mingka napabattuna ke'nanga anjo pikkiranga mae ri Daud, appialimi Daud angkana, “Nukana gampangi nikanaya a'jari mintunna karaenga? Sai inakke anne tu kasi-asia' siagang tau tena anggarangku!”

1 SAMUEL 9:21

Appialimi Saul angkana, “Inakke anne tau battua' ri suku Benyamin, suku kaminang ca'dia ri Israel, kammayatompa pole kaluarga kaminang tenaya anggaranna lalang ri anjo sukua. Jari angngapa nakiakkana kamma anjo mae ri nakke?”