1 SAMUEL 17:7 - KITTA' MATANGKASA'

⁷ Panna'galang pokena teai sipato' la'ba'na, siagang mata pokena nia' kira-kira tuju kilo battala'na. Nia' sitau tantara a'jappa ri dallekanna angngerangi pannangkisi'na.

1 SAMUEL 17:7 ပူးပေါင်းရင်းမြစ်များ

2 SAMUEL 21:16

Nia'mo se're tu lompo kalenna niarenga Yisbi-Benob. Ia pokena tambaga nipare', battala'na kira-kira nia' tallu sitangnga kilo. Angngerang tongi pa'dang beru, siagang napattantumi angkanaya akkullei nabuno Daud.

2 SAMUEL 21:19

Lalang ri pa'bundukang maraengannaya a'bali tu Filistin ri Gob, Elhanan ana'na Yair battu ri Betlehem ambunoi Goliat battua ri Gat. Panna'gallang pokena Goliat sallompoi kayu pattannunga.

1 PATTOTTORANG 11:23

Le'ba' tongi ammuno se're tu Mesir, ia sannaka lompona pakkaleanna; tinggina la'bi rua metere'. Sanjatana anjo taua iamintu poke sannaka lompona, mingka palu-paluji napake Benaya angngewai. Narampasaki anjo poke niaka ri limanna anjo tu Mesirka nampa napake ambunoi anjo taua.

1 PATTOTTORANG 20:5

Lalang ri pa'bundukang maraengannaya angngewai tu Filistin ammunomi Elhanan iamintu ana'na Yair tu niarenga Lahmi sari'battanna Goliat tu Gat. La'ba'na pa'na'gallanna pokena anjo Lahmi teai sipato' lompona.

1 SAMUEL 17:41

Tena siapa sallona, Goliat nirurunganga ri dallekang ri paerang pannangkisi'na, appakkaramulami a'jappa mange anreppesi Daud.